ຕົ້ນກົ້ນໝໍ້ / Malabar gooseberry

ຕົ້ນກົ້ນໝໍ້ຈັດເປັນໄມ້ຟຸ່ມ, ສູງ 1-3 ມ, ລໍາຕົ້ນ ແລະ ກິ່ງເປັນສີນໍ້າຕານແດງ, ກິ່ງເປັນຫຼ່ຽມ, ທຸກສ່ວນຂອງລໍາຕົ້ນມີຂົນລະອຽດສີນໍ້າຕານອ່ອນປົກຄຸມ, ຂະຫຍາຍພັນດ້ວຍວິທີການໃຊ້ແກ່ນ ແລະ ວິທີການແຍກຕົ້ນ. ໃບດ່ຽວ, ຈັບກົງກັນຂ້າມເປັນຄູ່ໆ ແລະ ສະຫຼັບຕັ້ງສາກ, ລັກສະນະຂອງໃບເປັນຮູບຫອກ, ປາຍໃບ ແລະ ກົກໃບແຫຼມ, ມີຂະໜາດກວ້າງປະມານ 1.7-5 ຊມ ແລະ ຍາວປະມານ 4-14 ຊມ, ແຜ່ນໃບຂ່ອນຂ້າງແຂງ. ເກີດດອກເປັນຊໍ່ຢູ່ປາຍຍອດ, 3-5 ດອກຕໍ່ຊໍ່, ດອກເມື່ອບານຈະມີຂະໜາດເສັ້ນຜ່າສູນກາງ 4-5 ຊມ, ດອກເປັນສີມ່ວງອົມສີບົວ, ໂດຍທົ່ວໄປຈະມີກີບດອກ 5 ກີບ ຫຼື 4 ກີບ ຫຼື 6 ກີບ, ສ່ວນກາບດອກມີ 5 ກີບ, ຖານຮອງດອກປົກຄຸມດ້ວຍເກັດແປ. ດອກສົມບູນເພດ. ໝາກມີລັກສະນະຄ້າຍໝາກຂ່າງ, ກວ້າງປະມານ 0.6 ຊມ ແລະ ຍາວ 0.8-1 ຊມ ແລະ ເນື້ອໃນໝາກເປັນສີແດງອົມມ່ວງ, ໝາກເມື່ອແກ່ເປືອກໝາກຈະແຫ້ງແລ້ວແຕກອອກຕາມຂວາງ, ຍາວ 0.5-1.2 ຊມ, ພາຍໃນໝາກມີແກ່ນຂະໜາດນ້ອຍຈໍານວນຫຼາຍ.