ປາຄີລາມຫາງແດງ / Pa Khi Lam
APA 6th ed. ປາຄີລາມຫາງແດງ / Pa Khi Lam. (2020, October 15). Retrieved from https://www.phakhaolao.la/kb/0000596
MLA 8th ed. ປາຄີລາມຫາງແດງ / Pa Khi Lam. Pha Khao Lao, 15 October 2020, https://www.phakhaolao.la/kb/0000596.
Chicago 17th ed. Pha Khao Lao. 2020. "ປາຄີລາມຫາງແດງ / Pa Khi Lam." Published October 15, 2020. https://www.phakhaolao.la/kb/0000596.
Dangila spilopleura Smith, 1934
Labiobarbus spilopleura Smith, 1934
Thai: ซ่าสยาม คุยลามหนวดยาว หลักขน
Viet: Cá linh rìa xiêm
D: 25-30; A: 5-6; P1: 15; P2: i, 8. ຮູບແບບລໍາໂຕສັ້ນ ແລະ ແປເຂົ້າດ້ານຂ້າງ, ມີຄວາມເລິກຂອງລຳໂຕ 26.96-28.15% ຂອງຄວາມຍາວມາດຖານ SL, ຄວາມຍາວຂອງຫົວ 21.34-21.35% SL. ຫົວ: ຫົວຂ້ອນຂ້າງນ້ອຍ, ຕານ້ອຍ, ມີໜວດ 2 ຄູ່, ໜວດຢູ່ກະດູກ Maxillary ຂອງຄາງກະໄຕເທິງຍາວ ເດອອກມາເຖິງ ຫຼື ພົ້ນຂອບທາງຫຼັງຂອງຕາ, ຮີມສົບດ້ານເທີງຍາວກວ່າຮີມສົບທາງດ້ານລຸ່ມ, ຄວາມຍາວຂອງເສັ້ນຜ່າສູນກາງຕາ 36.36-36.84% ຂອງຄວາມຍາວຫົວ HL. ລຳໂຕ: ມີເສັ້ນສີດຳລາຍຍາວຕາມແຖວຂອງເກັດ, ຄີຫາງ, ຄີທ້ອງ ແລະ ຄີກົ້ນອອກສີແດງ, ເສັ້ນຂ້າງໂຕສົມບູນ, ເກັດເສັ້ນຂ້າງໂຕ 36-37 ເກັດ, ເກັດກ່ອນຄີຫຼັງ 11 ເກັດ, ເກັດອ້ອມກົກຫາງ 14 ເກັດ, ເກັດຈາກເກັດກ່ອນຄີຫຼັງລົງໄປຫາເສັ້ນຂ້າງຕົວຕາມແນວສະຫຼຽງ 6 ແລະ ເກັດໜ້າຄີກົ້ນຂຶ້ນໄປຫາຕາມເສັ້ນຂ້າງຕົວຕາມແນວສະຫຼຽງ 5 ເກັດ, ຈຸດເລີ້ມຕົ້ນຂອງຄີຫຼັງຢູ່ໜ້າຈຸດເລີ່ມຕົ້ນຂອງຄີທ້ອງ, ຄີຫຼັງ 25-30 ເສັ້ນກ້ານຄີອ່ອນ, ຄີກົ້ນ 5-6 ເສັ້ນກ້ານຄີອ່ອນ, ຄີເອິກ 15 ເສັ້ນກ້ານຄີອ່ອນ, ຄີທ້ອງ 8 ເສັ້ນກ້ານຄີອ່ອນ. ຫາງ: ມີຮອຍວ້ຳຢູ່ສ່ວນກາງເປັນ 2 ຊີກ, ສີຂອງລຳຕົວ: ສີນໍ້າຕານເງີນ.
ການກະຈາຍພັນ: ພົບຢູ່ອ່າງແມ່ນໍ້າຂອງໃນ ສປປລາວ, ໄທ, ຫວຽດນາມ ແລະ ກໍາປູເຈຍ.
ພົບປາຊະນິດນີ້ຫຼາຍໃນຊ່ວງລະດູຝົນ. ສາມາດນຳມາເຮັດເປັນອາຫານໄດ້ຫຼາຍລາຍການເຊັ່ນ: ແກງ, ເອາະ, ປີ້ງ, ປາແຫ້ງ, ປາແດກ.
ພົບໄດ້ຕາມແມ່ນ້ຳສາຍຫຼັກໃນຊ່ວງລະດູແລ້ງ. ໄຂ່ພ້ອມປະສົມພັນໃນຊ່ວງຕົ້ນລະດູຝົນ, ໂຕແມ່ລະໂຕຜູ້ຈະເລີ້ມເຄື່ອນຍ້າຍເຂົ້າແມ່ນ້ຳສາຍສາຂາ ແລະ ຊອກບ່ອນວາງໄຂ່ ແລະ ປະສົມພັນ. ຕົວອ່ອນ ແລະ ປາຮາມຈະຫາກິນໃນເຂດນ້ຳຖ້ວມ. ພວກມັນຈະເລີ່ມເຄື່ອນຍ້າຍລົງສູ່ແມ່ນ້ຳສາຍຫຼັກ.