ປາອີ່ໄທຂ້າງແຖບຈາງ / E-Thai Khan Laiy Jang
APA 6th ed. ປາອີ່ໄທຂ້າງແຖບຈາງ / E-Thai Khan Laiy Jang. (2020, October 9). Retrieved from https://www.phakhaolao.la/kb/0000590
MLA 8th ed. ປາອີ່ໄທຂ້າງແຖບຈາງ / E-Thai Khan Laiy Jang. Pha Khao Lao, 9 October 2020, https://www.phakhaolao.la/kb/0000590.
Chicago 17th ed. Pha Khao Lao. 2020. "ປາອີ່ໄທຂ້າງແຖບຈາງ / E-Thai Khan Laiy Jang." Published October 9, 2020. https://www.phakhaolao.la/kb/0000590.
Osteochilus tripore (Bleeker, 1852)
Osteochilus triporos (Bleeker, 1852)
Osteochilus triporus (Bleeker, 1852)
Rohita brachynotopterus (Bleeker, 1855)
Rohita microcephalus (Valenciennes, 1842)
Rohita triporos (Bleeker, 1852)
Thai: E-Thai Khaang Lai
Viet: Cá mè lúi
D: 11-12; A: 6-7; P1: 13-14; P2: 8. ຮູບແບບລໍາໂຕສັ້ນ ແລະ ແປທາງດ້ານຂ້າງ, ມີຄວາມເລິກຂອງລໍາໂຕ 33.31-35.33% ຂອງຄວາມຍາວມາດຖານ (SL), ຄວາມຍາວຂອງຫົວ 23.22-24% ຂອງ SL. ຫົວ: ຂະໜາດນ້ອຍ, ມີໜວດ 2 ຄູ່, ຕາຂ້ອນຂ້າງໃຫຍ່, ຮີມສົບເທິງຍາວກວ່າຮີມສົບດ້ານລຸ່ມເລັກນ້ອຍ, ມີຕຸ່ມ 1-3 ຕຸ່ມຢູ່ບໍລິເວນປາຍຂອງສັນດັງ, ຄວາມຍາວຂອງເສັ້ນຜ່າສູນກາງຕາ 23.35-27.28% ຂອງຄວາມຍາວຫົວ HL. ລໍາໂຕ: ຢູ່ບໍລິເວນກາງໂຕມີແຖບເສັ້ນສີດຳໃຫຍ່ ແລະ ຍາວ ຕັ້ງແຕ່ປາຍປາກຈົນໄປຮອດຖານຂອງຄີຫາງ, ຄີຫາງ, ຄີຫຼັງ, ຄີທ້ອງ ແລະ ຄີກົ້ນສີແດງອົມສົ້ມ, ເກັດເສັ້ນຂ້າງລໍາໂຕສົມບູນ, ມີເກັດເສັ້ນຂ້າງໂຕ 32-34 ເກັດ, ເກັດກ່ອນຄີຫຼັງ 10 ເກັດ, ເກັດອ້ອມກົກຫາງ 16 ເກັດ, ເກັດຈາກເກັດກ່ອນຄີຫຼັງລົງໄປຫາເສັ້ນຂ້າງໂຕຕາມແນວສະຫຼຽງ 6 ແລະ ເກັດໜ້າຄີກົ້ນຂຶ້ນໄປຫາຕາມເສັ້ນຂ້າງຕົວຕາມແນວສະຫຼຽງມີ 4 ເກັດ, ຄີຫຼັງມີ 11-12 ເສັ້ນກ້ານຄີອ່ອນ, ຄີກົ້ນມີ 6-7 ເສັ້ນກ້ານຄີອ່ອນ, ຄີເອິກມີ 13-14 ເສັ້ນກ້ານຄີອ່ອນ ແລະ ຄີທ້ອງມີ 8 ເສັ້ນກ້ານຄີອ່ອນ. ຫາງ: ຫາງແບບງ່າມ (ວໍ້າເຂົ້າຢູ່ສ່ວນກາງແບ່ງຫາງເປັນ 2 ຊິກ). ສີຂອງລໍາໂຕ: ສີເງິນອົມນໍ້າຕານ.
ເຂດກະຈາຍພັນ: ພົບຢູ່ອ່າງແມ່ນໍ້າຂອງໃນ ສປປລາວ, ໄທ ແລະ ກໍາປູເຈຍ.
ສະໜອງເປັນອາຫານໃນທ້ອງຖີ່ນ, ໂດຍຊາວບ້ານມັກຫາໃນຊ່ວງລະດູຝົນເພື່ອປະກອບເປັນອາຫານໄດ້ຫຼາຍ ຢ່າງ ເຊັ່ນ: ແກງ, ປີ້ງ, ແຈ່ວ, ປາແຫ້ງ ຫຼື ປາແດກ.
ຄາດວ່າວາງໄຂ່ ແລະ ໂຕອ່ອນຈະເລີນເຕິບໂຕໃນເຂດນ້ຳຖ້ວມໃນຊ່ວງລະດູຝົນ, ອາດຈະເປັນຫ້ວຍ, ໜອງ ແລະ ບືງ. ຕົວໄວກາງຈະເຄື່ອນຍ້າຍລົງມາຫາແມ່ນ້ຳສາຍຫຼັກໃນຊ່ວງລະດູແຫ້ງ.