ປາກາໂຫ / Giant Barb
APA 6th ed. ປາກາໂຫ / Giant Barb. (2019, September 21). Retrieved from https://www.phakhaolao.la/kb/0000534
MLA 8th ed. ປາກາໂຫ / Giant Barb. Pha Khao Lao, 21 September 2019, https://www.phakhaolao.la/kb/0000534.
Chicago 17th ed. Pha Khao Lao. 2019. "ປາກາໂຫ / Giant Barb." Published September 21, 2019. https://www.phakhaolao.la/kb/0000534.
Thai: Ka ho, Ka mun
Viet: cá Hô
ປາກະໂຫ້ເປັນປາມີເກັດທີ່ມີຂະໜາດໃຫຍ່, ມີຮູບຮ່າງທົ່ວໄປຄ້າຍຄືກັບປາປາກ, ລຳຕົວຄ່ອນຂ້າງກົມແປ, ສ່ວນຂອງລຳຕົວບໍລິເວນຝາປິດຟັນຟືມຈະນູນໂຄ້ງຂື້ນ, ຫົວໂປ້, ຄວາມຍາວປະມານ /ຂອງລຳຕົວ, ຕາ 1 ຄູ່ຢູ່ໃກ້ກັບປາຍຈະງອຍປາກ, ບໍ່ມີໜວດ, ປາກກວ້າງ, ມີແຂ້ວເປັນແຖວ, ເກັດມົນລຽບ, ຂະໜາດຂອງເກັດຢູ່ກັບການຈະເລີນເຕິບໂຕຂອງປາ, ເຊິ່ງໃຫຍ່ສຸດປະມານ 6.8 ຊມ, ມີຂະໜາດໃກ້ຄຽງກັບຝາມືເດັກນ້ອຍ, ຄີຫຼັງຕັ້ງຊື້, ຄີຫາງເປັນສອງແສກວ້ຳເລິກ, ຄີທ້ອງຄ່ອນຂ້າງເປັນຮູບສາມຫຼ່ຽມ, ຄີຫູ ແລະ ຄີເອິກມີຂະໜາດໃກ້ຄຽງກັນ. ສີຂອງປາກະໂຫ້ໂດຍທົ່ວໄປເປັນສີດຳປົນສີເທົາ, ສີຂອງເກັດດ້ານຫຼັງຈະເຂັ້ມກວ່າດ້ານຂ້າງ ແລະ ດ້ານທ້ອງ, ຄີທຸກອັນເປັນສີແດງປັນສີສົ້ມ. ລຳຕົວໃຫຍ່ສຸດຍາວປະມານ 3 ແມັດ, ນ້ຳໜັກປະມານ 300 ກິໂລ.
ປາກະໂຫ້ສ່ວນຫຼາຍພົບຢູ່ຕາມສາຍນ້ຳໃຫຍ່ໂດຍສະເພາະແມ່ນ້ຳຂອງ, ປາເມື່ອເກີດໃໝ່ຈະຢູ່ລວມກັນເປັນຝູງໃນວັງນ້ຳເລິກ, ປະຈຸບັນຈຳນວນຂອງພວກມັນໃນທຳມະຊາດຫຼຸດລົງເພາະປັນຫາທາງດ້ານສີ່ງແວດລ້ອມ ແລະ ການຖືກຫາເພື່ອອາຫານ ຫຼື ເປັນສີນຄ້າຈຳນວນຫຼວງຫຼາຍ, ຈົນຈັດເປັນປາໃກ້ຈະສູນພັນ, ປາຊະນິດນີ້ສາມາດລ້ຽງໄດ້ແລ້ວເປັນບາງສ່ວນຈາກການປະສົມພັນທຽມ. ໃນທຳມະຊາດຈະແພ່ພັນໃນລະຫວ່າງເດືອນກໍລະກົດ-ກັນຍາ ໂດຍປາຈະເລີ່ມເຂົ້າສູ່ໄວຈະເລີນພັນເມື່ອອາຍຸດໄດ້ 7 ປີ, ວາງໄຂ່ລອຍໄປຕາມກະແສນ້ຳ, ໄຂ່ມີສີເຫຼືອງອ່ອນລັກສະນະເຄິ່ງຈົມເຄິ່ງລອຍ ເສັ້ນຜ່າສູນກາງປະມານ 1.4 ມມ, ໄຂ່ມີຈຳນວນນັບເປັນລ້ານໜ່ວຍ, ແຕ່ໄຂ່ສ່ວນຫຼາຍ ຈະຖືກປາອື່ນຈັບກີນເກືອບບໍ່ເຫຼືອ. ປາທີ່ລອດຕາຍຈົນເປັນຕົວໃຫຍ່ມີຈຳນວນໜ້ອຍ.
ອາຫານຂອງປາກະໂຫ້ ຄື ພວກແພງຕອນ ແລະ ປາຂະໜາດນ້ອຍ ແຕ່ກໍ່ສາມາດກິນພືດໄດ້ເຊັ່ນ: ພວກເທົາ, ໄຄ ແລະ ແກ່ນພືດ, ນອກນັ້ນຍັງກິນພວກໜອນແດງ, ຂີ້ກະເດືອນນ້ຳ, ກຸ້ງຝອຍ ແລະ ອື່ນໆ.