Return to Knowledge Base

ປາກາໂຫ / Giant Barb

Cite
Use
Food
Income
Scientific Name / Family
Catlocarpio siamensis Boulenger, 1898 / Cyprinidae
Synonyms
Other Names
Cambodian: Kahao, Kolreang
Thai: Ka ho, Ka mun
Viet: cá Hô
Conservation Status
Critically Endangered
Physical Description

ປາກະໂຫ້ເປັນປາມີເກັດທີ່ມີຂະໜາດໃຫຍ່, ມີຮູບຮ່າງທົ່ວໄປຄ້າຍຄືກັບປາປາກ, ລຳຕົວຄ່ອນຂ້າງກົມແປ, ສ່ວນຂອງລຳຕົວບໍລິເວນຝາປິດຟັນຟືມຈະນູນໂຄ້ງຂື້ນ, ຫົວໂປ້, ຄວາມຍາວປະມານ /ຂອງລຳຕົວ, ຕາ 1 ຄູ່ຢູ່ໃກ້ກັບປາຍຈະງອຍປາກ, ບໍ່ມີໜວດ, ປາກກວ້າງ, ມີແຂ້ວເປັນແຖວ, ເກັດມົນລຽບ, ຂະໜາດຂອງເກັດຢູ່ກັບການຈະເລີນເຕິບໂຕຂອງປາ, ເຊິ່ງໃຫຍ່ສຸດປະມານ 6.8 ຊມ, ມີຂະໜາດໃກ້ຄຽງກັບຝາມືເດັກນ້ອຍ, ຄີຫຼັງຕັ້ງຊື້, ຄີຫາງເປັນສອງແສກວ້ຳເລິກ, ຄີທ້ອງຄ່ອນຂ້າງເປັນຮູບສາມຫຼ່ຽມ, ຄີຫູ ແລະ ຄີເອິກມີຂະໜາດໃກ້ຄຽງກັນ. ສີຂອງປາກະໂຫ້ໂດຍທົ່ວໄປເປັນສີດຳປົນສີເທົາ, ສີຂອງເກັດດ້ານຫຼັງຈະເຂັ້ມກວ່າດ້ານຂ້າງ ແລະ ດ້ານທ້ອງ, ຄີທຸກອັນເປັນສີແດງປັນສີສົ້ມ. ລຳຕົວໃຫຍ່ສຸດຍາວປະມານ 3 ແມັດ, ນ້ຳໜັກປະມານ 300 ກິໂລ.

Reproduction and Lifecycle

ປາກະໂຫ້ສ່ວນຫຼາຍພົບຢູ່ຕາມສາຍນ້ຳໃຫຍ່ໂດຍສະເພາະແມ່ນ້ຳຂອງ, ປາເມື່ອເກີດໃໝ່ຈະຢູ່ລວມກັນເປັນຝູງໃນວັງນ້ຳເລິກ, ປະຈຸບັນຈຳນວນຂອງພວກມັນໃນທຳມະຊາດຫຼຸດລົງເພາະປັນຫາທາງດ້ານສີ່ງແວດລ້ອມ ແລະ ການຖືກຫາເພື່ອອາຫານ ຫຼື ເປັນສີນຄ້າຈຳນວນຫຼວງຫຼາຍ, ຈົນຈັດເປັນປາໃກ້ຈະສູນພັນ, ປາຊະນິດນີ້ສາມາດລ້ຽງໄດ້ແລ້ວເປັນບາງສ່ວນຈາກການປະສົມພັນທຽມ. ໃນທຳມະຊາດຈະແພ່ພັນໃນລະຫວ່າງເດືອນກໍລະກົດ-ກັນຍາ ໂດຍປາຈະເລີ່ມເຂົ້າສູ່ໄວຈະເລີນພັນເມື່ອອາຍຸດໄດ້ 7 ປີ, ວາງໄຂ່ລອຍໄປຕາມກະແສນ້ຳ, ໄຂ່ມີສີເຫຼືອງອ່ອນລັກສະນະເຄິ່ງຈົມເຄິ່ງລອຍ ເສັ້ນຜ່າສູນກາງປະມານ 1.4 ມມ, ໄຂ່ມີຈຳນວນນັບເປັນລ້ານໜ່ວຍ, ແຕ່ໄຂ່ສ່ວນຫຼາຍ ຈະຖືກປາອື່ນຈັບກີນເກືອບບໍ່ເຫຼືອ. ປາທີ່ລອດຕາຍຈົນເປັນຕົວໃຫຍ່ມີຈຳນວນໜ້ອຍ.

ອາຫານຂອງປາກະໂຫ້ ຄື ພວກແພງຕອນ ແລະ ປາຂະໜາດນ້ອຍ ແຕ່ກໍ່ສາມາດກິນພືດໄດ້ເຊັ່ນ: ພວກເທົາ, ໄຄ ແລະ ແກ່ນພືດ, ນອກນັ້ນຍັງກິນພວກໜອນແດງ, ຂີ້ກະເດືອນນ້ຳ, ກຸ້ງຝອຍ ແລະ ອື່ນໆ.

References / Citations
Hogan, Z. 2011. Catlocarpio siamensis. The IUCN Red List of Threatened Species 2011: e.T180662A7649359. http://dx.doi.org/10.2305/IUCN.UK.2011-1.RLTS.T180662A7649359.en. Downloaded on 21 September 2019.
Baran, E., Baird, I.G., and Cans, G. 2005. Fisheries bioecology at the Khone Falls (Mekong River, Southern Laos). Bioecology of Khone falls fisheries (Mekong River, Southern Laos), pp. 80. WorldFish Center, Penang.
Mattson, N.S., Buakhamvongsa, K., Sukumasavin, N., Tuan, N. and Vibol, O. 2002. Mekong giant fish species: on their management and biology. MRC Technical Paper. Mekong River Commission, Phnom Penh.
Roberts, T.R. and T.J. Warren. 1994. Observations of fishes and fisheries in southern Laos and northeastern Cambodia, October 1993-Febuary 1994. Natural History Bulletin Siam Society 42: 87-115.
Contribute