ຜັກຄາວທອງ / Heartleaf
APA 6th ed. ຜັກຄາວທອງ / Heartleaf. (2021, August 24). Retrieved from https://www.phakhaolao.la/kb/0000257
MLA 8th ed. ຜັກຄາວທອງ / Heartleaf. Pha Khao Lao, 24 August 2021, https://www.phakhaolao.la/kb/0000257.
Chicago 17th ed. Pha Khao Lao. 2021. "ຜັກຄາວທອງ / Heartleaf." Published August 24, 2021. https://www.phakhaolao.la/kb/0000257.
Houttuynia cordata f. polypetaloidea T.Yamaz.
Houttuynia cordata var. variegata Makino
Houttuynia cordata f. viridis J.Ohara
Houttuynia emeiensis Z.Y.Zhu & S.L.Zhang
Houttuynia foetida Loudon
Polypara cordata Kuntze
Chinese: 蕺菜[ ji cai]
ເປັນພືດລົ້ມລຸກ, ສູງ 15-30 ຊມ, ລໍາຕົ້ນກົມສີຂຽວ, ຕາມຂໍ້ບ່ອນໃບຈັບບວມພອງຫນ້ອຍໜື່ງ ມີຂົນອ່ອນໆ, ມີກິ່ນຄາວ. ໃບ ເປັນໃບດ່ຽວ, ຈັບຮຽງສະຫຼັບ, ແຜ່ນໃບບາງກ້ຽງ, ແຜ່ນໃບຮູບຫົວໃຈ, ກວ້າງ 4-6 ຊມ, ຍາວ 6-10 ຊມ, ປາຍໃບຮຽວແຫຼມ, ຖານໃບມົນວ້ຳເຂົ້າ ຫຼື ຮູບຫົວໃຈ, ຂອບໃບລຽບ; ເສັ້ນໃບກ່າງໃບອອກຈາກກົກໃບ 4-5 ເສ້ັນ; ແຜ່່ນໃບດ້ານລຸ່ມມັກເປັນສີນ້ຳຕານ ຫຼື ສີຂຽວອ່ອນ; ກ້ານໃບຍາວ 2 ຊມ, ກ້ານໃບເປັນຮ່ອງດ້ານໃນ, ກົກກ້ານໃບບ່ອນຈັບກັບລຳຕົ້ນອົບລຳຕົ້ນໄວ້ເຄິ່ງໜື່ງ, ກາບມີລີ້ນໃບ ຍາວ 4 ມມ ມີຂົນຫນ້ອຍໜື່ງ. ດອກສີຂາວອົມເຫຼືອງ, ອອກເປັນຊໍ່ທີ່ປາຍຍອດ, ຍາວ 1.5 ຊມ, ມີໃບປະດັບສີຂາວ 4 ໃບ, ກາບດອກ ແລະ ກີບດອກປ່ຽນຮູບມີ ຂະໜາດນ້ອຍຫຼາຍ, ເກສອນຜູ້ມີ 3 ອັນ, ສີເຫຼືອງ. ໝາກ ເປັນໝາກແຫ້ງແຕກອອກໄດ້.
ຜັກຄາວທອງສ່ວນຫຼາຍຈະມັກເອົາເປັນຜັກກັບລາບ, ຕໍ່າສົ້ມຕ່າງໆ, ໃນປະຈຸບັນໄດ້ມີການປູກເພື່ອສົ່ງຂາຍຕະຫຼາດກາຍເປັນພືດຜັກທີ່ມີຄວາມສຳຄັນທາງດ້ານເສດຖະກິດ ແລະ ສັງຄົມ ມີຄວາມຕ້ອງການຫຼາຍ ເປັນທີນິຍົມກັນແຜ່ຫຼາຍ. ຜັກຄາວທອງຈະມີກີ່ນຂິວແຮງ, ລົດສົ້ມຫນ້ອຍໜື່ງ.
ປິ່ນປົວພະຍາດ: ແກ້ພະຍາດຜິວໜັງທຸກຊະນິດ, ເປັນຢາຂັບປັດສະວະ ຂ້າເຊື້ອໃນທາງເດີນປັດສະວະ ແລະ ຍັງສາມາດກິນເປັນຜັກກັບ. ສ່ວນທີ່ໃຊ້: ທັງຕົ້ນ, ວິທີການນຳໃຊ້: ແກ້ພະຍາດຜິວໜັງແມ່ນໃຊ້ໃບທັບໂພະໃສ່ບໍລິເວນທີ່ເປັນພະຍາດການປູກຂະຫຍາຍພັນ: ຜັກຄາວທອງເປັນພືດທີ່ມັກເກີດຢູ່ດິນທີ່ມີຄວາມຊຸ່ມ ສາມາດຂະຫຍາຍພັນດ້ວຍການກ້າແກ່ນ ແລະ ຕັດຊຳ ຕັດໃຫ້ຍາວປະມານ 10 ຊມ, ແລ້ວນຳມາປູກໃນກະໂຖ ຫຼື ແປງເປັນໜານປູກ.