ໝາກຫວ້າ / Jambolan plum

ຕົ້ນໝາກຫວ້າຈັດເປັນໄມ້ຢືນຕົ້ນຊະນີດໜື່ງ ຊື່ງເປັນໝາກໄມ້ທີ່ມີຕົ້ນກຳເນີດໃນປະເທດ ບັງກະລາເທດ, ອີນເດຍ, ເນປານ, ສີລັງກາ, ຟີລີບປີນ ແລະ ອີນໂດເນເຊຍ ແຕ່ສຳລັບລາວກໍ່ສາມາດພົບໄດ້ທົ່ວໄປແຕ່ພາກເໜືອຮອດພາກ ແຕ່ວ່າມີຈຳນວນຕົ້ນເລີ່ມໜ້ອຍເພາະວ່າມີການຕັດນຳໃຊ້ໄມ້ເພື່ອເຮັດເຟີນີເຈີ ແລະ ເຄື່ອງໃຊ້ຊອຍອື່ນໆ, ໂດຍສະເພາະແມ່ຢູ່ຊຽງຂວາງ. ໝາກຫວ້າ ເປັນໝາກໄມ້ທີ່ເຮົາອາດຈະຄຸ້ນເຄີຍໃນບາງເຂດ ແຕ່ບາງເຂດອາດຈະບໍ່ຮູ້ຈັກເລີຍ, ແຕ່ໝາກໄມ້ຊະນິດມີຄຸ່ນຄ່າທາງດ້ານໂພຊະນາການສູງ ເພາະວ່າມັນອຸດົມໄປດ້ວຍວີຕາມີນ ແລະ ແຮ່ທາດຕ່າງໆເຊັ່ນ ວີຕາມີນຊີ, ຟອດສະຟໍ, ແຄລຊຽມ ແລະ ຄາໂບໄຮເດດ ຊື່ງຖືວ່າມີປະໂຫຍດຢ່າງມະຫາສານຕໍ່ສຸຂະພາບ ໂດຍນີຍົມນຳໝາກສຸກມາກີນ ແລະ ໃຊ້ເຮັດເຄື່ອງດື່ມເພື່ອສຸຂະພາບ. ນອກນັ້ນຍັງມີສັບພະຄູນໃຊ້ເປັນຢາຮັກສາພະຍາດ ແລະ ອາການຕ່າງໆອິກດ້ວຍ. ດ້ວຍການນຳໃບ ແລະ ເປືອກຂອງຕົ້ນຫວ້າມາສະກັນເປັນນ້ຳມັນຫອມລະເຫີຍ ໂດຍຈະມີສັບພະຄູນທີ່ຄ່ອນຂ້າງຫຼາກຫຼາຍເຊັ່ນ: ຊ່ວຍຍ່ອຍອາຫານ ຊ່ວຍລົດການຈັບຕົວລີ່ມເລືອດ ມີປະສິດທີພາບຕໍ່ການຕ້ານເຊື້ອແບກເທີເຣຍ ຕ້ານ ພະຍາດມະເຮັງເປັນຕົ້ນ, ຍອດອ່ອນຂອງມັນສາມາດນຳມາກັບແຈ່ວປາໄດ້, ຈະມີລົດຝາດເລັກນ້ອຍ. ໝາກດິບອຸດົມໄປດ້ວຍທາດເຫຼັກຊື່ງມີສ່ວນຊ່ວຍບຳລູງກະດູກ ແລະ ແຂ້ວ, ຊ່ວຍແກ່ອາການຖອກທ້ອງ. ໝາກສຸກຊ່ວຍໃນການແກ້ຖອກທ້ອງ ແລະ ທ້ອງບິດ, ຊ່ວຍປັບປຸງຈຸລັງໃນຮ່າງກ່າຍເຮັດໃຫ້ບໍ່ເຖົ້າກວ່ໄວອັນຄວນ, ຊ່ວຍບັນເທົາອາການຂອງວັນນະໂລກ ແລະ ພະຍາດປອດໂດຍການນຳເອົາໝາກຫວ້າມາຕາກແຫ້ງແລ້ວນຳມາບົດໃຫ້ລະອຽດແລ້ວກີນເປັນປະຈຳຈະຊ່ວຍໃນການບັນເທົາອາການໃຫ້ດີຂື້ນ, ຊ່ວຍຮັກສາພະຍາດຫອບຫືດທີ່ເກີດຈາກການແພ້ອາກາດ ດ້ວຍການນຳໝາກຫວ້າມາຕົ້ມກັບນ້ຳແລ້ວດື່ມເພື່ອບັນເທົາອາການ, ຊ່ວຍລົດອັດຕາສ່ຽງຂອງການເກີດໂລກຫົວໃຈ ແລະ ເສັ້ນເລືອດອຸດຕັດໃນສະໜອງໄດ້, ໃບ ແລະ ເມັດ ຈະໃຊ້ຮັກສາອາການບິດ, ຖ່າຍອອກເລືອດ, ຖອກທ້ອງ ໂດຍຕົ້ມນ້ຳດື່ມ, ໃບເປືອກ ແລະ ໃບ ນຳມາໃຊ້ເຮັດເປັນຢາແກ້ອາການເຈັບຄໍ, ແກ້ປາກເປືອຍ, ແກ້ຄໍເປື່ອຍ, ເປັນເມັດຕາມລີ້ນ ແລະ ຄໍ. ຊ່ວຍຮັກສາພະຍາດເບົາຫວານ ດ້ວຍການໃຊ້ໃບ ແລະ ເມັດນຳມາຕົ້ມ ຫຼື ບົດໃຫ້ລະອຽດ ແລ້ວນຳມາກີນເພື່ອຮັກສາອາການຂອງເບົາຫວານໄດ້ ເນື່ອງຈາກມີສານຊະນິດໜື່ງທີ່ຊ່ວຍລົດລະດັບນ້ຳຕານໃນເລືອດໄດ້.