ຈັດເປັນໄມ້ຟຸ່ມ. ລຳຕົນສູງ 1-2 ມ,​ ແຕກກິ່ງກ້ານແບບຫ່າງໆ, ຕາມກິ່ງອ່ອນ ແລະ ຍອດມີຂົນອ່ອນກະຈາຍຢູ່ທົ່ວ, ຍອດຫ້ອຍລົງ. ໃບປະສົມແບບຂົນນົກປາຍຄີກ, ອອກຮຽງສະຫຼັບ. ໃບຍ່ອຍມີ 3 ໃບ, ອອກຮຽງກົງກັນຂ້າມ, ໃບຍ່ອຍກາງຮູບໄຂ່ ຫຼື ຮູບຫອກ, ກວ້າງ 5-8 ຊມ, ຍາວ 8-12 ຊມ, ໂຄນໃບມົນ, ຂອບລຽບ​ ຫຼື ເປັນຄື້ນ, ປາຍມົນ ຫຼື ແຫຼມ, ໃບຍ່ອຍດ້ານຂ້າງ, ຮູບຫອກ ຫຼື ຮູບຮີ, ກວ້າງ 3-4 ຊມ,​ ຍາວ 6-8 ຊມ, ໃບຂ້າງມີຂະໜາດນ້ອຍກວ່າໃບກາງ, ມີຂົນປົກຄຸມທັງສອງດ້ານ. ກ້ານໃບຍາວ 1.5-2 ຊມ. ຊໍ່ດອກແບບກະຈຸກ, ອອກຕາມງ່າມໃບ ແລະ ປາຍກິ່ງ. ດອກຍ່ອຍມີຈຳນວນຫຼາຍ, ຮູບແກ່ນຖົ່ວ, ຂະໜາດນ້ອຍ. ໃບປະດັບດອກມີລັກສະນະຄ້າຍເກັດປາ, ມີ 2 ປະຄົບກັນໄວ້, ຄ້າຍເກັດປາ. ໝາກເປັນຝັກແປ, ຍາວເປັນຂໍ້ໆ, ກວ້າງປະມານ 4 ມມ, ຍາວ 0.7-1 ຊມ, ຜິວມີຂົນປົກຄຸມ.