ລຳຕົ້ນເປັນລຳເຫງົ້າ ຫຼື ເລືອ ຢູ່ໃຕ້ນ້ຳ. ໃບດ່ຽວ, ອອກຈາກລຳເຫງົ້າ, ຮູບແຖບຮຽວຍາວ, ຍາວ 60-80 ຊມ, ໂຄນໃບແຜອອກເປັນກາບປະຄົບກັນໄວ້, ຂອບລຽບ ຫຼື ເປັນຄື້ນ, ປາຍຮຽວແຫຼມ, ແຜ່ນໃບບາງຄ້າຍຄືເຈ້ຍ, ສີນ້ຳຕານ. ກ້ານດອກຍາວສົ່ງດອກອອກເໜືອນ້ຳ, ຍາວ 80-100 ຊມ. ດອກດ່ຽວ, ອອກຢູ່ເໜືອນ້ຳ, ສີຂາວ. ກີບດອກໂຄນເຊື່ອມຕິດກັນເລັກນ້ອຍ, ປາຍແຍກອອກເປັນ 3 ກີບ, ບາງຄັ້ງປາຍກີບໂຄ້ງປະຄົບກັນ. ເກສອນເພດຜູ້ມີ 3 ອັນ, ຂະໜາດນ້ອຍ. ເຕົ້າໄຂ່ມີ 2 ຫ້ອງ, ແຕ່ລະຫ້ອງມີຫຼາຍເມັດໄຂ່, ປາຍຮວງຮັບແຍກອອກເປັນ 3 ແສກ. ໝາກຮູບກົມ, ຂະໜາດນ້ອຍ. ແກ່ນມີຈຳນວນຫຼາຍ.