ຫອນໄກ່ດົງ / Hon Kai Dong
APA 6th ed. ຫອນໄກ່ດົງ / Hon Kai Dong. (2021, July 5). Retrieved from https://www.phakhaolao.la/kb/0001242
MLA 8th ed. ຫອນໄກ່ດົງ / Hon Kai Dong. Pha Khao Lao, 5 July 2021, https://www.phakhaolao.la/kb/0001242.
Chicago 17th ed. Pha Khao Lao. 2021. "ຫອນໄກ່ດົງ / Hon Kai Dong." Published July 5, 2021. https://www.phakhaolao.la/kb/0001242.
Harpullia blancoi Fern.-Vill.
Harpullia confusa Blume
Harpullia imbricata Thwaites
Harpullia juglandifolia Blume
Harpullia rupestris Blume
Otonychium imbricatum Blume
Ptelea arborea Blanco
Seringia lanceolata Blanco
Tina rupestris Blume
ຈີນ: 假山萝.
ຫວຽດນາມ: Cây xơ, Xơ ແລະ Trường cụp.
ເປັນໄມ້ຢືນຕົ້ນ, ຂຽວຕະຫຼອດປີ. ລຳຕົ້ນສູງປະມານ 20 ມ, ເປືອກນອກບາງ, ລຽບ ຫຼື ແຕກເປັນເກັດຂະໜາດນ້ອຍ, ສີເທົາປົນສີນ້ຳຕານ. ໃບປະສົມຂັ້ນໜຶ່ງແບບຂົນນົກປາຍຄີກ, ອອກວຽນສະຫຼັບ. ກ້ານໃບຮູບກົມ, ຍາວ 15-25 ຊມ. ໃບຍ່ອຍຮູບຮີ ຫຼື ຮູບຫອກ, ອອກກົງກັນຂ້າມ ຫຼື ເກືອບກົງກັນຂ້າມກັນ, ກວ້າງ 2-4 ຊມ, ຍາວ 6-12 ຊມ, ໂຄນໃບບ້ຽວ, ຂອບລຽບ, ປາຍແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ລຽບມັນ, ຜິວໃບດ້ານລຸ່ມສີຂຽວອ່ອນ, ມີຂົນສັ້ນກະຈາຍຫ່າງໆ, ຍອດອ່ອນມີຂົນສີນ້ຳຕານກະຈາຍຢ່າງໜາແໜ້ນ. ກ້ານໃບຍ່ອຍຍາວ 5-8 ມມ. ຊໍ່ດອກແບບກະຈະບາງ, ອອກບໍລິເວນງ່າມໃບ ຫຼື ປາຍຍອດຫ້ອຍລົງ. ດອກຍ່ອຍມີຈຳນວນຫຼາຍ, ດອກແຍກເພດ, ມີກິ່ນຫອມ, ສີຂາວ. ກ້ານດອກຍ່ອຍຍາວ 6-8 ມມ. ກາບດອກມີ 5 ກາບ, ຮູບໄຂ່, ກວ້າງປະມານ 5 ມມ, ສີຂຽວ. ກີບດອກມີ 5 ກີບ, ຮູບໄຂ້, ກວ້າງ 8-10 ມມ. ເກສອນເພດຜູ້ມີ 5 ອັນ, ສັ້ນກວ່າກີບດອກເລັກນ້ອຍ. ໝາກຮູບກົມ ຫຼື ຮູບຮີ, ຂະໜາດ 2-3 ຊມ, ໝາກອ່ອນມີຂົນສີນ້ຳຕານອ່ອນປົກຄຸມຢ່າງແໜ້ນ, ໝາກສຸກສີເຫຼືອງອົມຂຽວ, ໝາກແກ່ແລ້ວແຕກອອກເປັນ 2 ແສກ. ແກ່ນຮູບໄຂ່ ຫຼື ຮູບຮີ, ຂະໜາດ 1.3-1.5 ຊມ, ເນື້ຶອຫຸ້ມເມັດສີເຫຼືອງ ຫຼື ສີແດງສົ້ມ, ແກ່ນສີດຳລຽບມັນ.
ສິ່ງປຸກສ້າງ:
ເນື້ອໄມ້: ໃຊ້ສຳລັບກໍ່ສ້າງພາຍໃນ.
ສັບພະຄຸນ:
ນ້ຳມັນສະກັດຈາກແກ່ນ: ໃຊ້ທາພາຍນອກຮັກສາພະຍາດໄຂຂໍ້ອັກເສບ ແລະ ແກ້ອາການເຈັບຄໍ.
ນ້ຳຈາກເປືອກ ແລະ ໝາກ: ໃຊ້ບັນເທົາຄວາມເຈັບ.
ພະລັງງານ: ໃຊ້ເປັນເຊື້ອເພີງ ແລະ ເຮັດຖ່ານ.
ຄຸນປະໂຫຍດ:
ເນື້ອໄມ້: ໃຊ້ສະລັບເຮັດຕູ້, ເຟີນິເຈີ້, ໄມ້ອັດ ແລະ ອື່ນ.
ເປືອກ ແລະ ໝາກ: ບາງຄັ້ງໃຊ້ແທນສະບູ່, ໃຊ້ທາພາຍນອກປ້ອງກັນປິງ, ທາກ ແລະ ໃຊ້ເປັນຢາເບື່ອປາ.