ເໝີດຄົນດົງ / Mueat Khon Dong
APA 6th ed. ເໝີດຄົນດົງ / Mueat Khon Dong. (2021, July 5). Retrieved from https://www.phakhaolao.la/kb/0001229
MLA 8th ed. ເໝີດຄົນດົງ / Mueat Khon Dong. Pha Khao Lao, 5 July 2021, https://www.phakhaolao.la/kb/0001229.
Chicago 17th ed. Pha Khao Lao. 2021. "ເໝີດຄົນດົງ / Mueat Khon Dong." Published July 5, 2021. https://www.phakhaolao.la/kb/0001229.
Helicia formosana var. oblanceolata Sleumer
Helicia formosana f. subintegra Hayata
ຈີນ: 山龙眼.
ຫວຽດນາມ: Chẹo thui đài loan, Mạ sưa đài loan ແລະ Quắn hoa đài loan.
ເປັນໄມ້ຢືນຕົ້ນຂະໜາດນ້ອຍ, ບໍ່ປ່ຽນໃບ. ລຳຕົ້ນສູງ 3-10 ມ, ແຕກກິ່ງຕ່ຳ, ເປືອກນອກບາງ, ລຽບ, ສີນ້ຳຕານ. ໃບດ່ຽວ, ອອກວຽນສະຫຼັບ, ຮູບຫອກປີ້ນ ຫຼື ຮູບຂອບຂະໜານ, ກວ້າງ 2.5-7 ຊມ, ຍາວ 10-20 ຊມ, ໂຄນໃບຮຽວແຫຼມ, ຂອບແສກແຂ້ວເລື່ອຍ, ປາຍແຫຼມ, ແຜ່ນໃບໜາແຂງ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບມັນທັງສອງດ້ານ, ແຕ່ມີຂົນກະຈາຍຕາມເສັ້ນກາງໃບ, ຍອດອ່ອນເປັນສີນ້ຳຕານ. ກ້ານໃບມີໂຄນໃຫຍ່, ຍາວ 3-10 ມມ. ຊໍ່ດອກແບບຫາງກະຮອກ, ອອກຕາມງ່າມໃບຫ້ອຍລົງ, ຍາວ 10-24 ຊມ. ດອກຍ່ອຍມີຈຳນວນຫຼາຍ, ຍາວ 1-2 ມມ. ກ້ານດອກຍາວ 3-5 ມມ, ສີຂາວ ຫຼື ສີເຫຼືອງ. ກາບດອກຮູບຫອກ, ຍາວ 0.5-1 ມມ, ສີມ່ວງປົນສີຂາວ. ກີບດອກຮູບແຖບ ຫຼື ຮູບບ່ວງ, ຍາວ 1.5-2 ຊມ. ເຕົ້າໄຂ່ຮູບໄຂ່, ຜິວລຽບ. ໝາກຮູບກົມ, ມີເສັ້ນຜ່າສູນກາງ 1.5-3 ຊມ, ປາຍຕິ່ງແຫຼມ, ເປືອກແຂງ, ຜິວກ້ຽງ ຫຼື ມີຂົນສີນ້ຳຕານ. ແກ່ນມີ 1 ແກ່ນ, ຂະໜາດໃຫຍ່.
ສັບພະຄຸນ:
ເປືອກຕົ້ນ: ນຳມາຕົ້ມ ຫຼື ຝົນດື່ມຊ່ວຍຂັບນ້ຳຄາວປາ.
ພືດປະດັບ:
ຊໍ່ດອກ: ມີຄວາມສວຍງາມເໝາະສຳລັບປູກປະດັບໃນຮົ່ມ.
ຄຸນປະໂຫຍດ:
ຜົນ: ເປັນອາຫານຂອງສັດປ່າ.