ຕົ້ນແສ້
APA 6th ed. ຕົ້ນແສ້. (2021, August 11). Retrieved from https://www.phakhaolao.la/kb/0001210
MLA 8th ed. ຕົ້ນແສ້. Pha Khao Lao, 11 August 2021, https://www.phakhaolao.la/kb/0001210.
Chicago 17th ed. Pha Khao Lao. 2021. "ຕົ້ນແສ້." Published August 11, 2021. https://www.phakhaolao.la/kb/0001210.
Macaranga membranacea Kurz
Tanarius kurzii Kuntze
ຈີນ: 血桐属 ແລະ 尾叶血桐.
ເປັນໄມ້ຟຸ່ມ ຫຼື ໄມ້ຢືນຕົ້ນຂະໜາດນ້ອຍ. ລຳຕົ້ນສູງປະມານ 8 ມ, ກິ່ງກ້ານຮຽວນ້ອຍ, ເປືອກນອກລຽບ, ມີປ່ອງອາກາດສີຂາວກະຈາຍຢູ່ທົ່ວ, ເປືອກໃນມີຢາງສີແດງເຂັ້ມ. ໃບດ່ຽວ, ຮຽງວຽນສະຫຼັບ, ຮູບໄຂ່ ຫຼື ຮູບສາມຫຼ່ຽມ, ຖານໃບກວ້າງ 4-8 ຊມ, ຍາວ 7-15 ຊມ, ໂຄນໃບມົນ ຫຼື ຕັດ, ຂອບລຽບ ຫຼື ເປັນວັກພູຕື້ນ, ປາຍຍາວເປັນຫາງ, ແຜ່ນໃບບາງຄ້າຍຄືເຈ້ຍ, ຜິວລຽບ ຫຼື ມີຂົນກະຈາຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ໂຄນໃບມີຕ່ອມສີນ້ຳຕານແດງ 1 ຄູ່, ໃບແກ່ກ່ອນຫຼົ່ນສີສົ້ມແດງ. ກ້ານໃບກົມ, ຍາວ 3-6 ຊມ, ສີແດງ. ດອກແຍກເພດໃນຕົ້ນດ່ຽວກັນ. ຊໍ່ດອກເພດຜູ້ເປັນຊໍ່ແບບກະຈະ, ອອກຕາມງ່າມໃບໃກ້ປາຍກິ່ງ ຫຼື ປາຍກິ່ງ, ຍາວ 4-10 ຊມ. ດອກຍ່ອຍມີ 6-7 ດອກ, ຂະໜາດປະມານ 1 ມມ. ກາບດອກມີ 3 ກີບ. ເກສອນເພດຜູ້ມີ 14-20 ອັນ. ຊໍ່ດອກເພດແມ່ອອກເປັນກະຈຸກກົມ, ກວ້າງປະມານ 4 ຊມ. ກາບດອກມີ 4 ກາບ, ກວ້າງປະມານ 3 ມມ. ເຕົ້າໄຂ່ຈັບເທິງ, ມີຕ່ອມທີ່ເປັນໜາມ, ປາຍຮວງຮັບແຍກອອກເປັນ 2 ແສກ, ຍາວປະມານ 10 ມມ. ໝາກຮູບກົມ, ຂະໜາດປະມານ 1 ຊມ, ມີ 2 ພູ, ມີໜາມ ແລະ ຂົນເປັນສັ້ນອອ່ນນຸ້ມ.
ພືດເສັ້ນໄຍ:
ເປືອກ: ໃຊ້ເຮັດເຊືອກ
ຄຸນປະໂຫຍດ:
ທັງຕົ້ນ: ເປັນອາຫານຂອງຊ້າງປ່າ
ລຳຕົ້ນ: ໃຊ້ເປັນເຊື້ອໄຟໄດ້ດີ