ເປັນໄມ້ຟຸ່ມ, ຂຽວຕະຫຼອດປີ. ລຳຕົ້ນສູງ 1-3 ມ, ແຕກກິ່ງຕໍ່າເປັນຟຸ່ມໃຫຍ່, ລຳຕົ້ນ ແລະ ກິ່ງມີຂົນສັ້ນສີນ້ຳຕານແດງປົກຄຸມຢ່າງໜາແໜ້ນ. ໃບດ່ຽວ, ອອກວຽນສະຫຼັບ, ຮູບຮີ ຫຼື ຮູບໄຂ່, ກວ້າງ 1-2.5 ຊມ, ຍາວ 2-6 ຊມ, ໂຄນໃບແຫຼມ, ຂອບລຽບ, ປາຍແຫຼມ, ແຜ່ນໃບໜາຄ້າຍຄືໜັງ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ ຫຼື ສີເງິນ, ມີຂົນສີນ້ຳຕານປົກຄຸມທັງສອງດ້ານ. ຊໍ່ດອກສັ້ນ, ອອກຕາມງ່າມໃບໃກ້ກັບປາຍກິ່ງ. ດອກຍ່ອຍມີ 2-7 ດອກ, ສີແດງ, ມີກິ່ນຫອມ. ກາບດອກເຊື່ອມຕິດກັນເປັນຮູບຖ້ວຍຕື້ນ, ປາຍແຍກອອກເປັນ 5 ແສກ, ສີຂຽວ, ດ້ານນອກມີຂົນ. ກີບດອກເຊື່ອມຕິດກັນເປັນຮູບຈວຍ, ປາຍແຍກອອກເປັນ 5 ແສກ, ຮູບໄຂ່. ເກສອນເພດຜູ້ມີ 10 ອັນ, ບໍ່ສະເໝີກັນ. ໝາກຮູບໄຂ່, ຍາວ 1-1.5 ຊມ, ມີຂົນສີນ້ຳຕານແດງ, ເມືອແກ່ຈະແຕກຕາມລວງຍາວ. ແກ່ນຈຳນວນຫຼາຍ, ແປ, ຂະໜາດນ້ອຍ, ມີປີກບາງໃສຈຳນວນຫຼາຍ.