ເປັນພືດອີງອາໄສ, ເກີດຕົ້ນໄມ້ ແລະ ກິ່ງກ້ານ. ລຳຕົ້ນມີປ້ອງ, ບໍ່ມີກິ່ງກ້ານ, ຜິວລຽບ, ທຸກສ່ວນມີຢາງສີຂາວ. ໃບດ່ຽວ, ອອກຮຽງກົງກັນຂ້າມ, ຮູບຮີ, ຮູບຫົວໃຈ ຫຼື ຮູບຂອບຂະໜານ, ກ້ວາງ 2-2.5 ຊມ, ຍາວ 4-5 ຊມ, ໂຄນໃບແຫຼມ ຫຼື ຮູບຫົວໃຈ, ຂອບລຽບ, ປາຍແຫຼມ, ແຜ່ນໃບອວບໜາ ແລະ ແຂງ, ຜິວໃບດ້ານເທິງມີລວດລາຍ ແລະ ສີສັນຫຼາຍກວ່າດ້ານລຸ່ມ, ຜິວລຽບມັນ, ມີທັງສີແດງ, ສີນ້ຳຕານ ແລະ ສີຂຽວ. ຊໍ່ດອກແບບດິ້ວຄັນຮົ່ມ, ອອກບໍລີເວນງ່າມໃບ. ດອກຍ່ອຍບາງທີມີຈຳນວນນ້ອບ ແລະ ບາງທີມີຈຳນວນຫຼາຍ, ສີຂາວ, ມີຈຸດສີເຫຼືອງຢູ່ກາງ. ກີບດອກເຊື່ອມຕິດກັນເປັນຫຼອດ, ປາຍແຍກເປັນ 5 ແສກງຸ້ມລົງ. ໝາກເປັນໝາກກຸ່ມ, ເປັນຝັກຄູ່, ຮູບຮີຍາວ, ຂະໜາດນ້ອຍ, ເມື່ອແກ່ເປັນສີດຳ. ແກ່ນຈຳນວນຫຼາຍ, ຂະໜາດນ້ອຍ, ຮູບຊົງກະບອກ, ປາຍແຫຼມ, ໂຄນມີພູສີຂາວຕິດຢູ່.