ລຳຕົ້ນເປັນລຳເຄືອ, ເລືອພັນໄປຕາມຕົ້ນໄມ້ອື່ນ, ຍາວ 2-2.5 ມ, ເນື້ອອ່ອນ, ມີຂໍ້, ແຕກກິ່ງແລ້ວຫ້ອຍລົງ. ໃບດ່ຽວ, ອອກກົງກັນຂ້າມກັນ, ຮູບໄຂ່ ຫຼື ຮູບຮີ, ກ້ວາງ 4-5 ຊມ, ຍາວ 8-12 ຊມ, ໂຄນໃບຮູບຫົວໃຈ, ຂອບເປັນຄື້ນ, ປາຍແຫຼມ, ແຜ່ນໃບບາງ. ຊໍ່ດອກແບບຮວງເຂົ້າ, ອອກປາຍກິ່ງ, ຫ້ອຍລົງ, ຍາວ 15-18 ຊມ. ດອກຍ່ອຍຈຳນວນຫຼາຍ, ສີມ່ວງ. ໃບປະດັບດອກມີ 2 ອັນປະກົບກັນ, ຮູບໄຂ່ ຫຼື ຮີ, ຂະໜາດໃຫຍ່, ສີຂຽວເຂັ້ມປົນສີມ່ວງ. ກີບດອກເຊື່ອມຕິດກັນເປັນຫຼອດ, ປາຍແຍກອອກເປັນ 5 ແສກ, ກີບເທິງເປັນຮູບປາກເປີດ, ສີແດງເຂັ້ມ ຫຼື ສີແດງສົ້ມ. ເກສອນເພດຜູ້ໂຄນແຍກອອກຈາກກັບເປັນ 2 ກຸ່ມ, ປາຍແຍກ, ສີເຫຼືອງ. ໝາກແຫ້ງ, ຮູບກົມ, ປາຍມີຈະງອຍແຫຼມ, ເມື່ອແກ່ຈະແຕກຕາມລວງຍາວ.