ເປັນໄມ້ຢືນຕົ້ນຂະໜາດນ້ອຍ, ຂຽວຕະຫຼອດປີ. ລຳຕົ້ນຕັ້ງຊື່, ສູງປະມານ 10 ມ, ແຕກກິ່ງກ້ານຈຳນວນຫຼາຍ, ຜິວລຽບ. ເປືອກບາງ, ຜິວລຽບ, ສີນ້ຳຕານແດງ. ໃບດ່ຽວ, ອອກວຽນສະຫຼັບ, ຮູບຮີ ຫຼື ຮູບໄຂ່, ກ້ວາງ 3-4 ຊມ, ຍາວ 6-8 ຊມ, ໂຄນໃບຮຽວແຫຼມ, ຂອບແສກແຂ້ວເລືອຍ, ປາຍແຫຼມ ຫຼື ເປັນຕິ່ງໜາມ, ແຜ່ນໃບໜາຄ້າຍຄືໜັງ, ແຂງ, ຜິວໃບດ້ານເທິງສີຂຽວເຂັ້ມ, ຜິວລຽບມັນ. ດອກເປັນຊໍ່ແບບກະຈຸກ​ ຫຼື ດອກດ່ຽວ, ອອກບໍລິເວນງ່າມໃບ. ດອກຍ່ອຍມີ 1-3 ດອກ, ດອກແຍກເພດໃນຕົ້ນດຽວກັນ. ກ້ານດອກຍ່ອຍຍາວປະມານ 3 ມມ. ກີບດອກມີ 4 ກີບ, ຮູບກົມ ຫຼື ຮູບໄຂ່, ສີຂາວ. ເກສອນເພດຜູ້ຈຳນວນຫຼາຍ, ສີເຫຼືອງ. ໝາກຮູບກົມ, ມິເສັ້ນຜ່າສູນກາງຍາວປະມານ 2.5 ຊມ, ໝາກແຫ້ງແລ້ວແຕກ, ແຕກອອກເປັນ 2-3 ແສກບໍສິເໝີກັນ. ແກ່ນມີຈຳນວນຫຼາຍ, ສີນ້ຳຕານ.