ເປັນໄມ້ຢືນຕົ້ນ, ຂຽວຕະຫຼອດປີ. ລຳຕົ້ນສູງ 8-10 ມ, ກິ່ງງ່າມີຂົນອ່ອນນຸ້ມກະຈາຍຢ່າງໜາແໜ້ນ, ສີນ້ຳຕານປົນສີເຫຼືອງ, ເປືອກມີຮອຍແຕກເລິກ, ສີຂຽວປົນສີເຫຼືອງ, ມີນ້ຳຢາງໄຫຼ່ອອກເປັນສີເຫຼືອງ ຫຼື ສີຂຽວອ່ອນ, ເປືອກໃນເປັນເສັ້ນໄຍ, ສີອອກແດງ. ໃບດ່ຽວ, ຈັບຮຽງກົງກັນຂ້າມ, ຮູບຮີ ຫຼື ຮູບໄຂ່, ກ້ວາງ 2-3.5 ຊມ, ຍາວ 5-10 ຊມ, ໂຄນໃບແຫຼມ ຫຼື ຮຽວແຫຼມ, ຂອບລຽບ, ປາຍແຫຼມ ຫຼື ຕິ່ງໜາມ, ຜິວໃບດ້ານເຖິງເປັນສີຂຽວເຂັ້ມ, ລຽບ. ຊໍ່ດອກແບບແຕກແໜ່ງ, ອອກບໍລິເວນປາຍຍອດ ຫຼື ບໍລິເວນຂ້າງ, ຍາວ 6-8 ຊມ. ດອກຍ່ອຍມີຈຳນວນຫຼາຍ, ສີຂາວ. ກີບດອກມີ 4 ກີບ,ຮູບໄຂ່ ຫຼື ຮູບກົມ. ເກສອນເພດຜູ້ຈຳນວນຫຼາຍ, ສີເຫຼືອງ. ໝາກມີເນື້ອ, ຮູບກົມ, ໝາກອ່ອນສີຂຽວ, ໝາກແກ່ສີເຫຼືອງ. ແກ່ນມີ 1 ແກ່ນ, ຮູບກົມ, ສີນ້ຳຕານຫຼື ສີເຫຼືອງ.