ຈັດເປັນໄມ້ຢືນຕົ້ນຂະໜາດກາງ. ລຳຕົ້ນສູງ 15-20 ມ, ປາຍຍອດເປັນຊົງຟຸ່ມໝາ, ເປືອກຕົ້ນເປັນສີນ້ຳຕານເຂັ້ມ, ມີຮອຍແຕກຕາມລວງຍາວ. ໃບປະສົມຂັ້ນໜຶ່ງແບບຂົນນົກປາຍຄີກ, ອອກຮຽງສະຫຼັບ. ໃບຍ່ອຍມີ 4-7 ຄູ່, ຮູບຮີ, ກ້ວາງ 5-8 ຊມ,​ ຍາວ 8-13 ຊມ, ໂຄນໃບມົນ ຫຼື ບ້ຽວ, ຂອບລຽບ, ປາຍແຫຼມ ຫຼື ເປັນຕິ່ງໜາມ, ຜິວໃບຊາມື. ຊໍ່ດອກແບບກະຈະ, ອອກບໍລິເວນປາຍກິ່ງ, ຕັ້ງຊື່, ກ້ານຊໍ່ດອກຍາວ. ດອກຍ່ອຍມີຈຳນວນຫຼາຍ, ບານຄັ້ງລະ 2-6 ດອກ, ມີຂະໜາດເສັ້ນຜ່າສູນກາງ 6-9 ຊມ. ກີບດອກເຊື່ອມຕິດກັນເປັນຮູບລະຄັງ, ຫຼົ່ນງ່າຍ, ສີສົ້ມ. ໝາກເປັນຝັກ, ຮູບຮີ, ປາຍແຫຼມ, ໝາກແກ່ເປັນສີນ້ຳຕານ, ໝາກແກ່ແຕກອອກເປັນດ້ານດຽວ. ແກ່ນມີຈຳນວນຫຼາຍ, ມີຂະໜາດນ້ອຍ, ແປ ແລະ ມີປີກ.