ຕົ້ນກຳລັງຊ້າງສານ
APA 6th ed. ຕົ້ນກຳລັງຊ້າງສານ. (2021, March 22). Retrieved from https://www.phakhaolao.la/kb/0001066
MLA 8th ed. ຕົ້ນກຳລັງຊ້າງສານ. Pha Khao Lao, 22 March 2021, https://www.phakhaolao.la/kb/0001066.
Chicago 17th ed. Pha Khao Lao. 2021. "ຕົ້ນກຳລັງຊ້າງສານ." Published March 22, 2021. https://www.phakhaolao.la/kb/0001066.
Hiptage benghalensis var. benghalensis
Hiptage javanica Blume
Hiptage parvifolia Wight & Arn.
ຈັດເປັນໄມ້ຟຸ່ມ ຫຼື ໄມ້ເຄືອຂະໜາດໃຫຍ່, ສາມາດເລືອໄປໄກ. ລຳຕົ້ນຍາວປະມານ 10 ມ, ລັກສະນະກົມກ້ຽງ, ເນື້ອໄມ້ແຂງ, ມີການແຕກກິ່ງກ້ານເລັກນ້ອຍ ແລະ ຫ້ອຍລົງເລັກນ້ອຍ, ສີຂຽວ, ຊົງຕົ້ນມີຮູບຮ່າງທີ່ບໍ່ແນ່ນອນ. ໃບດ່ຽວ, ອອກຮຽງກົງກັນຂ້າມກັນ, ໃບຮູບຮີ ຫຼື ຮູບຂອບຂະໜານ, ກ້ວາງ 4-6 ຊມ, ຍາວ 10-15 ຊມ, ໂຄນໃບມົນ ຫຼື ແຫຼມ, ຂອບລຽບ, ປາຍແຫຼມ, ຜິວໃບດ້ານເທິງກ້ຽງ, ຜິວໃບດ້ານລຸ່ມມີຂົນ ແລະ ມີຕ່ອມເລັກນ້ອຍ. ຊໍ່ດອກແບບແຕກແໜ່ງ, ອອກຕາມງ່າມໃບ ແລະ ປາຍກິ່ງ, ຍາວ 9-22 ຊມ. ດອກຍ່ອຍມີຈຳນວນຫຼາຍ, ສີຂາວ ຫຼື ສີບົວອ່ອນ, ກາງດອກເປັນສີເຫຼືອງ, ມີກິ່ນຫອມອ່ອນ. ກາບດອກເຊື່ອມຕິດກັນ, ປາຍແຍກອອກເປັນ 5 ກາບ, ສີຂຽວ. ກີບດອກມີ 5 ກີບ, ຂະໜາດບໍ່ເທົ່າ, ມີລັກສະນະຫຍໍ້, ກີບຂ້າງພັບລົງ, ປາຍກີບເປັນຝອຍໆ. ເກສອນເພດຜູ້ມີ 10 ອັນ, ມີ 1 ກ້ານຍາວກວ່າໝູ່. ໝາກແຫ້ງບໍ່ແຕກ, ຮູບສວຍ, ປາຍແຫຼມ, ມີປີກ 3 ປີກ, ປີກກາງມີຂະໜາດໃຫຍ່, ສີແດງ.
ສັບພະຄຸນ:
- ແກນໄມ້: ເປັນຢາບຳລຸງເລືອດ, ຊ່ວຍບຳລຸງທາດໃນຮ່າງກາຍ ແລະ ເປັນຢາບຳລຸງເສັ້ນເອັນ (ເປືອກ ແລະ ແກນໄມ້), ເປັນອາຍຸວັນນະ, ໃຊ້ດອກເປັນຢາບຳລຸງກຳລັງ, ຊ່ວຍຈະເລີນອາຫານ, ຊ່ວຍແກ້ອາການອ່ອນເພຍ, ຊ່ວຍຂັບລົມ, ແກ້ອາການຈຸກສຽດແໜ້ນທ້ອງ ແລະ ໃຊ້ດອງກັບເຫຼົ້າເປັນຢາບຳລຸງກຳລັງ.
- ເປືອກຕົ້ນ: ນຳມາຕຳພອກໃຊ້ຮັກສາແຜສົດ.
- ໃບ: ເປັນຢາແກ້ພະຍາດຜິວໜັງ, ຮັກສາຫິດ ແລະ ຂີ້ກະຕອດ.
ພືດປະດັບ: ນິຍົມນຳມາປູກເປັນໄມ້ປະດັບ ເນື່ອງຈາກດອກມີຄວາມສວຍງາມ, ອອກດອກຈຳນວນຫຼາຍ ແລະ ມີກິ່ນຫອມ.