ນົກໄກ່ນາປາກແດງ / Common Moorhen

        ລັກສະນະພິເສດຄືມີປາກສີແດງ ແຕ່ບໍລິເວນປາຍຈະງອຍປາກສີເຫຼືອງ, ໂຄນສັນປາກເທິງມີກະບັງສີແດງຄືກັບສີປາກ, ມ່ານຕາເປັນສີນ້ຳຕານເຂັ້ມ, ຂົນລຳໂຕດຳ, ອົກມີສີດຳແກມສີເທົາ, ດ້ານຫຼັງມີສຳດຳແກມສີນ້ຳຕານ, ມີຂີດຂາວເປັນເສັ້ນໆ ຍາວຕາມຂ້າງລຳໂຕ, ກົ້ນ ແລະ ຂົນຄຸມບໍລິເວນໃຕ້ຫາງເປັນສີຂາວ ແລະ ມີແຖບສີດຳບໍລິເວນກາງ. ນັກໄວອ່ອນປາກເປັນສີເຫຼືອງແກມຂຽວ, ຄໍດ້ານໜ້າ, ເອິກ ແລະ ທ້ອງສີຂາວແກມເທົາ, ລຳໂຕມີສີນ້ຳຕານແກມເທົາ ແລະ ບໍລິເວນໃຕ້ຫາງສີຂາວ

        ສຽງຮ້ອງ: ກີ໊ກ ສັ້ນໆ ແລະ ຮ້ອງແບບຣົວໆ ກື໊ກໆ

        ຖິ່ນອາໄສ: ມັກອາໄສຢູ່ຕາມທົ່ງນາ ແລະ ພື້ນທີ່ຊຸ່ມນ້ຳຕ່າງໆ, ບໍລິເວນບຶງ, ໜອງ ແລະ ຫ້ວນ້ຳ

        ອາຫານ: ສາຍພັນນີ້ຈະກິນພືດຜັກ ແລະ ສັດນ້ຳຂະໜາດນ້ອຍຫຼາຍຫຼາຍຊະນິດ, ພວກມັນຊອກຫາກິນບໍລິເວນແຄມໜອງ ຫຼື ໃນໜອງ ແລະ ສາມາດດຳລົງໄປໃນນ້ຳໄດ້.

       ການປະສົມພັນ: ຊ່ວງລະດູປະສົມພັນພວກມັນຈະສ້າງຮັງບໍລິເວນພື້ນດິນທີ່ມີພືດພັນໜາແໜ້ນ, ການວາງໄຂ່ຈະເລີ່ມເກີດຂື້ນໃນຊ່ວງໃບໄມ້ຫຼົ່ນ ຫຼື ກາງເດືອນມີນາຄົມ ຮອດກາງເດືອນພຶກສະພາ. ມັກວາງໄຂ່ໄດ້ປະມານ 8 ຟ້ອງຕໍ່ໂຕ ແລະ ຖ້າປະສົມພັັນໃນຊ່ວງປາຍປີຈະມີໄຂ່ພຽງ 5-8 ຟອງ ຫຼື ອາດມີໜ້ອຍກ່ວານັ້ນ, ໄລຍະການຝັກໄຂ່ປະມານ 3 ອາທິດ. ທັງພໍ່ ແລະ ແມ່ຊ່ວຍກັນຝັກໄຂ່ ແລະ ລ້ຽງລູກອອ່ນໃນຊ່ວງໃບໄມ້ປົ່ງ. ເມື່ອຖືກຄຸກຄາມລູກຈະເກາະພໍ່ ຫຼື ແມ່ ສ່ວນນົກທີ່ໂຕເຕັມໄວຈະບິນໜີໄປ.