ນົກໄກ່ນາອົກເຫຼືອງ / Slaty-legged Crake

ึ       ຄ້າຍກັບນົກໄກ່ນາຂາແດງ ແຕ່ມີຂະໜາດໃຫຍ່ກວ່າ, ປາກໜາ ແລະ ຍາວກວ່າ, ປີກບໍ່ມີລາຍຂວາງ, ຂາ ແລະ ຕີນມີສີເທົາ, ປີກ ແລະ ຫຼັງມີສີນ້ຳຕານເຂັ້ມຫຼາຍກວ່າ. ນົກໄກ່ນາອົກເຫຼືອງມີລັກສະນະເດັ່ນຄືບໍລິເວນເອິກມີລາຍສີຂາວສະຫຼັບສີດຳພາດຂວາງ, ຫົວ ແລະ ເອິກມີສີສົ້ມປົນນ້ຳຕານ, ມ່ານຕາສີແດງ, ຄໍສີຂາວປົນສີເຫຼືອງ, ວົງຮອບຕາເປັນສີແດງ ແລະ ມີລາຍຂີດສີຂາວເທິງປີກ

      ສຽງຮ້ອງ: ເກັກ-ເກັກ ແລະ ມີສຽງເຕືອນໄພດັງ ຄຼື-ຄຼ່າ-ຄຼ່າ-ຄ່າ 

      ຖິ່ນອາໄສ: ອາໄສຢູ່ຕາມລຳທານ ແລະ ພື້ນທີ່ຊຸ່ມນ້ຳໃນປ່າ. ຊ່ວງລະດູອົບພະຍົບພົບໄດ້ຫຼາຍແຫຼ່ງອາໄສ, ພົບທີ່ຮາບພຽງ ແລະ ຢູ່ທີ່ລະດັບຄວາມສູງເໜືອໜ້ານ້ຳທະເລເຖິງ 1.500 ແມັດ

      ອາຫານ: ອາຫານຂອງພວກມັນແມ່ນສັດຂະໜາດນ້ອຍ ແລະ ໝາກໄມ້ຕາມພື້ນປ່າ