ກະຮອກແກ້ມແດງ /Red-cheeked Squirrel
APA 6th ed. ກະຮອກແກ້ມແດງ /Red-cheeked Squirrel. (2022, February 7). Retrieved from https://www.phakhaolao.la/kb/0001394
MLA 8th ed. ກະຮອກແກ້ມແດງ /Red-cheeked Squirrel. Pha Khao Lao, 7 February 2022, https://www.phakhaolao.la/kb/0001394.
Chicago 17th ed. Pha Khao Lao. 2022. "ກະຮອກແກ້ມແດງ /Red-cheeked Squirrel." Published February 7, 2022. https://www.phakhaolao.la/kb/0001394.
ໄທ: ກະຮອກແກ້ມແດງເອເຊຍ.
ຫົວ ແລະ ລໍາຕົວຍາວ: 18 ຊມ. ຫາງຍາວ: 16 ຊມ. ເປັນກະຮອກນ້ອຍ, ຂົນເຂດຫົວ, ເຂດເລົາຄີງສ່ວນເທິງ ແລະ ເຂດຂາສ່ວນເທິງມີສີນ້ຳຕານໄໝ້ຂົນຄາງມີສີແດງເຂັ້ມ ຫຼື ສີສົ້ມ, ທ້ອງຫາງດ້ານຂ້າງມີສີນ້ຳຕານແກມແດງ, ດ້ານຫຼັງຂອງຫາງມີສີນ້ຳຕານໄໝ້, ສ່ວນເຂດທີ່ມີຂົນຍາວສີຂາວ, ໝອກປົກຄຸມສີດຳ, ເຂດເອິກ ແລະ ທ້ອງມີສີຂາວ, ໂດຍປົກກະຕິຈະມີຈຸດສີຂາວນ້ອຍໆຢູ່ເບື້ອງຫຼັງຂອງຫູ, ດັງມີລັກສະນະຍາວ ແລະ ແໝບກວ່າກະຮອກຊະນິດອື່ນໆຂອງລາວ.
ອຸປະນິໄສ: ເປັນສັດທີ່ຫາກິນຢູ່ຕາມຊັ້ນຕ່າງໆຂອງປ່າ ແລະ ຕາມດິນ, ຫາກິນຢູ່ຕາມໃບໄມ້ ຫຼື ເຂດໃກ້ໆກັບພື້ນດິນ ແຕ່ບາງຄັ້ງຄາວພວກມັນສາມາດຫາກິນໝາກໄມ້ຕາມປາຍໄມ້, ນອກນັ້ນພວກມັນຍັງກິນແມງໄມ້, ຮາກໄມ້ ແລະ ສ່ວນອື່ນໆຂອງພືດເປັນອາຫານອີກດ້ວຍ.
ສຽງຮ້ອງ: ?
ຖິ່ນອາໄສ: ອາໄສຢູ່ປ່າດົງດິບ ແລະ ປ່າປ່ຽນໃບ ຈາກທົ່ງພຽງແຄມນ້ຳຂອງຈົນເຖິງເຂດພູສູງ, ກະຮອກຊະນິດດັ່ງກ່າວເປັນສັດທົ່ວໄປຂອງຫຼາຍທ້ອງຖິ່ນໃນເຂດທົ່ງພຽງ.
ອາຫານ: ຊີ້ນໃຊ້ເປັນອາຫານ. ສິນຄ້າ: ພົບເຫັນຂາຍຕາມຕະຫຼາດທ້ອງຖິ່ນໃນເຂດນອກເມືອງ.