ຕົ້ນຫາງຫົງ / Hang hong

Use

Medicine

Ornamental

Scientific Name / Family

Hibiscus schizopetalus (Mast.) Hook.f. / Malvaceae

Synonyms

Hibiscus rosa-sinensis var. schizopetalus (Mast.) Dyer
Hibiscus rosa-sinensis f. schizopetalus Mast.

Other Names

ຊື່ລາວ: ດອກສະບາຫ້ອຍ, ດອກສະບາຫາງຫົງ.
ຊື່ໄທ: ຊຸມບາຫ້ອຍ, ພູຣະຫົງ, ພູເຮືອຫົງ, ຫາງຫົງ, ພູຣະໂຫງ.
ຊື່ສາມັນ: Fringed hibiscus, Coral Hibiscus, Japanese Lantern, Spider gumamela.
ຊື່ມາເຣຍເຊຍ: Bunga Raya.

Botanical Description

ຕົ້ນຫາງຫົງຈັດເປັນໄມ້ຟຸ່ມ. ລຳຕົ້ນມີການແຕກກິ່ງກ້ານສາຂາ ແລະ ມັກຫ້ອຍລົງດິນ, ສູງປະມານ 4 ມ, ເປືອກສີເຫຼືອງ, ກິ່ງອ່ອນສີຂຽວ, ມີຢ່າງໜຽວທົ່ວລຳຕົ້ນ. ໃບດ່ຽວ, ອອກຮຽງສະຫຼັບ, ຮູບຮີ ຫຼື ຮູບໄຂ່, ກ້ວາງ 4-6 ຊມ, ຍາວ 6-12 ຊມ, ກົກໃບມົນ ຫຼື ຕັດ, ຂອບແສກແຂ້ວເລື່ອຍ, ປາຍແຫຼມ ຫຼື ຮຽວແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມມັນ. ຫູໃບຮູບຫຼີ່ມແຄບ, ຂະໜາດນ້ອຍ, ຫຼົ່ນງ່າຍ. ກ້ານໃບກົມ, ຍາວ 0.5-2 ຊມ, ມີຂົນຮູບດາວ. ດອກດ່ຽວ, ອອກຕາມງ່າມໃບ ຫຼື ປາຍຍອດຫ້ວຍລົງ. ກ້ານດອກຍາວ 8-15 ຊມ, ມີຂໍ້ຢູ່ຈຸດເຄິ່ງກາງກ້ານ. ດິ້ວປະດັບດອກມີ 5-8 ອັນ, ຮູບໃບຫອກ, ຍາວ 1-2 ມມ, ຂອບມີຂົນ. ກາບດອກເຊື່ອມຕິດກັນເປັນຫຼອດ, ຍາວ 1-1.5 ຊມ, ມີແສກລົງດ້ານດຽວ, ມີຂົນຮູບດາວກະຈາຍຢູ່ທົ່ວກາບ. ກີບດອກມີ 5 ກາບ, ຍາວ 4-6 ຊມ, ຂອບເປັນຄື້ນເລິກ ແລະ ໂຄ້ງກັບຄ້າຍຂົນນົກ, ສີແດງ. ເກສອນເພດຜູ້ຈັບຢູ່ເສົາເກສອນດຽວກັນຢ່າງໜາແໜ້ນ, ຍາວ 8-10 ຊມ, ມີຖົງລະອອງຈັບປາຍກ້ານຊູຖົງລະອອງ, ສີສົ້ມ. ເກສອນເພດແມ່ຢູ່ໃນເສົາເກສອນ, ຍາວປະມານ 8 ຊມ, ປາຍຮວງຮັບແຍກເປັນ 5 ແສກ, ຢື່ນພົ້ນເສົາເກສອນເພດຜູ້. ໝາກແຫ້ງ, ຮູບຂອບຂະໜານ, ຍາວ 3-4 ຊມ, ຜິວກ້ຽງ, ໝາກແກ່ແລ້ວແຕກ.

Description of Use

ສັບພະຄຸນ: ຮາກ ນຳມາເຜົາໄຟໃຊ້ໃນການເຮັດເຫຼົ້າ. ໃບ ແລະ ຮາກ: ຊ່ວຍແກ້ອາການໄຂ້ສຳລັບເດັກນ້ອຍ, ແກ້ເຈັບຄໍ ແລະ ໄອ. ດອກ: ນຳມາຕຳປະສົມກັບດອກອັນຊັນສະຜົມເຮັດໃຫ້ຜົມບໍ່ຫຼົ່ນ ແລະ ດົກດຳ,

ພືດປະດັບ: ເນື່ອງຈາກປູກງ່າຍ ແລະ ດອກມີຄວາມສວຍງາມຈຶ່ງນິຍົມນຳມາປູກເປັນພືດປະດັບ. ນອກຈາກນີ້ແລ້ວປະຊາຊົນຍັງນິຍົມປູກເພາະເຊື່ອກັນວ່າດອກຫາງຫົງເປັນດອກໄມ້ມຸງຄູນ.

References / Citations

ປາໂມດ ຈົງກົນວິນິດສຸກ, (2550). ພືດຕ່າງຖິ່ນໃນປະເທດໄທ. ສຳນັກງານບໍລິຫານພື້ນທີ່ອານຸລັກທີ່16 (ຊ່ຽງໃໝ່), ປະຕິບັດງານປະຈຳສຳນັກບໍລິຫານພື້ນທີ່ອານຸລັກທີ່16, ສາຂາແມ່ສະລ່ຽງ, ຊ່ວຍປະຕິບັດລາດສະການຄຸ້ມຄອງສັດປ່າ ແລະ ພືດຕາມອານຸສັນຍາ ກົມອຸທະຍານແຫ່ງຊາດສັດປ່າ ແລະ ພັນພືດ.

ອານຸຊາດ ພວງສຳລີ ແລະ ອິນທິໂຊດ ຈັກໄພວົງ, (2553). ໄມ້ດອກ-ໄມ້ປະດັບ. ມະຫາວິທະຍາໄລມະຫິດົນ999, ທະນົນພຸດທະມົນທົນສາຍ 4, ຕຳບົນສາລະຍາ, ອຳເພີພຸດທະມົນທົນ, ຈັ່ງຫວັດນະຄອນປະຖົມ 73170.

Luu Ngoc Trinh, Nguyen Tien Hung, Hoang Gia Trinh, Pham Hung Cuong and Pham Thi Sen (2006). Final report on the establishment of the national information sharing mechanism (NISM) on the implementation of the global plan of action (GPA) for the conservation and Utilzation of plant genetic resources for food and Agriculture in viet nam. Head of the Research Planning and International Cooperation Department and Director, Plant Resources Center, Vietnam Academy of Agricultural Sciences.

A.C. Zeven and P.M. Zhukovsky, (1975). Dictionary of cultivated plants and their centres of diversity Excluding ornamentals, forest trees and lower plants. Centre for Agricultural Publishing and Documentation, Wageningen.

N. V. Velde, (2003). THE Vascular Plant of majuro atoll, Republic of the marshall islands. National Museum of Natural History SMITHSONIAN INSTITUTE Washington, D.C., USA August 2003.

S. K. Wong, Eric W. C. Chan, H. T. Chan, (2016). A Review on the Phytochemistry and Pharmacology of Two Lesserknown Hibiscus species: H. taiwanensis and H. schizopetalus. School of Science, Monash University Sunway, 46150 Petaling Jaya, Selangor, Malaysia; Faculty of Applied Sciences, UCSI University, 56000 Cheras, Kuala Lumpur, Malaysia and Secretariat, International Society for Mangrove Ecosystems, c/o Faculty of Agriculture, University of the Ryukyus, Okinawa, 903-0129 Japan.

Contributors

ດວງແຂ ແກ້ວນ້ອຍ