ຜັກກູດກີບກວາງ / Shell Fern

ຜັກກູດກີບກວາງເປັນຜັກກູດທີ່ເກີດຕາມດິນ. ລຳຕົ້ນເປັນລຳເຫງົ້າ, ສີນ້ຳຕານ, ທຸກພາກສ່ວນກ້ຽງ. ໃບປະສົມຂັ້ນໜຶ່ງແບບຂົນນົກປາຍຄີກ, ຮຽງແບບສະຫຼັບ. ໃບຍ່ອຍອອກແບບຮຽງສະຫຼັບແຜ່ນພຽງດຽວກັນ, ຮູບຫອກ, ຍາວ 15 ̶ 16 ຊມ, ກວ້າງ 1.5 ̶ 3 ຊມ, ໂຄນໃບຕັດ ຫຼື ມົນ, ຂອບໃບແສກແຂ້ວເລືອຍ, ປາຍໃບຍາວເປັນຫາງ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວປົນສີນ້ຳຕານ, ດ້ານລຸ່ມສີຂຽວອ່ອນ, ຜິວກ້ຽງທັງສອງດ້ານ, ໃບທີ່ເຕີບໂຕເຕັມທີບໍ່ສາມາດສ້າງສະປໍໄດ້ແຕ່ສ້າງຈາກໃບທີ່ປ່ຽນແປງຮູບຮ່າງໃໝ່. ກ້ານໃບຮູບສາມຫຼ່ຽມ, ເມື່ອຕັດຕາມທາງຂວາງເປັນຮູບສາມຫຼ່ຽມ, ຍາວ 20 ̶ 22 ຊມ, ສີນ້ຳຕານປົນສີຂຽວ. ກຸ່ມຖົງສະປໍຈັບເປັນກຸ່ມກະຈາຍຢູ່ທົ່ວຜິວໃບຢ່າງໜາແໜ້ນ, ຮູບແຖບ, ສີນ້ຳຕານ. ຖົງສະປໍຈັບແບບກະຈຸກກົມ, ຮູບສາມຫຼ່ຽມ, ຍາວ 0.3 ̶ 0.6 ຊມ, ກວ້າງ 0.3 ̶ 0.4 ຊມ, ສີດຳ. ເມັດສະປໍຮູບໄຂ່, ຍາວ 0.3 ̶ 0.4 ມມ, ກວ້າງ 0.2 ̶ 0.3 ມມ, ສີເຫຼືອງ.