ກະຊາຍຢວກ / Pure White Fingerroot Ginger
APA 6th ed. ກະຊາຍຢວກ / Pure White Fingerroot Ginger. (2020, August 21). Retrieved from https://www.phakhaolao.la/kb/0000892
MLA 8th ed. ກະຊາຍຢວກ / Pure White Fingerroot Ginger. Pha Khao Lao, 21 August 2020, https://www.phakhaolao.la/kb/0000892.
Chicago 17th ed. Pha Khao Lao. 2020. "ກະຊາຍຢວກ / Pure White Fingerroot Ginger." Published August 21, 2020. https://www.phakhaolao.la/kb/0000892.
Jirawongsea alba (K.Larsen & R.M.Sm.) Picheans.
ເປັນພືດມີເຫງົ້າໃຕ້ດິນ, ສູງ 1 ແມັດ. ເຫງົ້າມົນກົມ, ມີຮາກສະສົມອາຫານຮູບຮີຮຽວຍາວ, ມີຮາກຝອຍກະຈາຍ. ລຳຕົ້ນຕັ້ງຊື່, ຫຸ້ມດ້ວຍກາບໃບ. ລີ້ນໃບເປັນແຜ່ນບາງ, ປາຍແຍກເປັນສອງແສກບໍ່ເທົ່າກັນ. ກ້ານໃບສັ້ນໆ. ແຜ່ນໃບຮູບຮີ ຫຼື ຮູບຫອກຮຽວຍາວ, ກ້ຽງທັ້ງສອງດ້ານ. ຊໍ່ດອກເກີດຈາກປາຍຍອດຂອງລຳຕົ້ນ, ມີ 10-20 ດອກຕໍ່ຊໍ່. ໃບປະດັບຮູບຫອກ-ຮູບໄຂ່, ສີຂຽວ. ດອກສີຂາວ, ມີແຕ້ມສີເຫຼືອງດ້ານໃນ. ກາບເປັນຫຼອດ,ສີຂາວ. ຫຼອດດອກຍາວ 6 ຊັງຕິແມັດ, ປາຍແຍກເປັນ 3 ແສກ; ແສກເທີງຮູບຂະໜານ, ສີຂາວ, ແສກຂ້າງປາຍມົນ, ສີຂາວ. ກີບປາກເປັນແຜ່ນມົນ, ມີຈຸດສີເຫຼືອງດ້ານໃນ. ກີບຄູ່ຂ້າງຮູບໄຂ່ກັບ, ສີຂາວ. ເກສອນສີເຫຼືອງອ່ອນ. ເຕົ້າໄຂ່ຮູບຂອບຂະໜານ. ໝາກຮູບຂອບຂະໜານ ຫຼື ຮູບໄຂ່.
ດອກສາມາດກີນໄດ້ ແລະ ມີຄວາມສວຍງາມສາມາດພັດທະນາເປັນດອກໄມ້ປະດັບໃນອານາຄົດໄດ້.