ເອື້ອງກະເປົາຝາຫອຍ / Enchanting Paphiopedilum
APA 6th ed. ເອື້ອງກະເປົາຝາຫອຍ / Enchanting Paphiopedilum. (2020, August 17). Retrieved from https://www.phakhaolao.la/kb/0000883
MLA 8th ed. ເອື້ອງກະເປົາຝາຫອຍ / Enchanting Paphiopedilum. Pha Khao Lao, 17 August 2020, https://www.phakhaolao.la/kb/0000883.
Chicago 17th ed. Pha Khao Lao. 2020. "ເອື້ອງກະເປົາຝາຫອຍ / Enchanting Paphiopedilum." Published August 17, 2020. https://www.phakhaolao.la/kb/0000883.
Cypripedium bellatulum Rchb.f.
Paphiopedilum bellatulum var. album O'Brien
Paphiopedilum bellatulum f. album (O'Brien) Braem
Thai: Rongthao nari fa hoi, Ueang ueng
ເປັນດອກເຜິ້ງທີ່ເກີດຕາມດີນ ຫຼື ແອ່ງຜາຫີນ. ໃບ 4-5, ແຜ່ນໃບຮູບຂອບຂະໜານ ຫຼື ຮູບຮີຮຽວຍາວ, 11-18 x 3-4 ຊັງຕິແມັດ, ປາຍແຫຼມ ຫຼື ຮູບຕັດ, ວ້ຳຕື້ນ, ເນື້ອໃບໜາ, ດ້ານລຸ່ມສີມ່ວງປົນສີນ້ຳຕານເປັນຈຸດ, ດ້ານເທີງສີຂຽວອ່ອນປົນສີຂຽວເຂັ້ມກະຈາຍທົ່ວ. ດອກເກີດເປັນຊໍ່ທີ່ປາຍ, ມີ 1-2 ດອກ. ກ້ານດອກສີມ່ວງປົນສີຂຽວ, ມີຂົນສີຂາວ. ໃບປະດັບສີຂຽວ, ມີຈຸດສີມ່ວງ, ດ້ານນອກມີຂົນ. ກ້ານດອກ ແລະ ເຕົ້າໄຂ່ມີຂົນສີຂາວ. ດອກສີຂາວປົນສີເຫຼືອງ, ກວ້າງ 7-8 ຊັງຕິແມັດ. ກາບດອກເທີງ ແລະ ກີບດອກຈະມີຈຸດສີດຳມົນກົມ. ກາບດອກລຸ່ມ, ກີບປາກ ແລະ ເກສອນຜູ້ເປັນໜັນຈະມີຈຸດຂະໜາດນ້ອຍກວ່າ. ກາບດອກເທີງຮູບໄຂ່ກວ້າງ, ເປັນແອ່ງ, ມີຂົນຕາມຂອບ ແລະ ດ້ານນອກ, ປາຍມົນ. ກີບດອກຮູບຮີ, ດ້ານນອກມີຂົນບໍລິເວນກົກ, ປາຍມົນ. ກີບປາກເປັນຖົງ, ປາຍໂຄງ. ເກສອນຜູ້ເປັນໜັນມົນກົມ, ປາຍເປັນແຂ້ວສາມອັນ.
ນິເວດວິທະຍາ: ເປັນພືດທີ່ມັກແສງແດດ, ມັກເກີດບ່ອນໂລ່ງແຈ້ງຕາມຜາຫີນປູນ, ພົບໃນລະດັບຄວາມສູງຈາກໜ້ານ້ຳທະເລ 1000-1800 ແມັດ.
ສະຖານະພາບ: ເປັນພືດທີ່ຈັດວ່າມີຄວາມສ່ຽງສູງຕໍ່ການສູນພັນ, ເພາະມີການເກັບກູ້ຫຼາຍ ແລະ ແຫຼ່ງທີ່ຢູ່ອາໄສບາງບ່ອນຖືກທຳລາຍ. ເປັນພືດຄຸ້ມຄອງ ແລະ ຫ່ວງຫ້າມຂອງ ສປປ ລາວ.