ໝາກແໜ່ງດົງ / Pineapple Cardamom
APA 6th ed. ໝາກແໜ່ງດົງ / Pineapple Cardamom. (2020, May 29). Retrieved from https://www.phakhaolao.la/kb/0000856
MLA 8th ed. ໝາກແໜ່ງດົງ / Pineapple Cardamom. Pha Khao Lao, 29 May 2020, https://www.phakhaolao.la/kb/0000856.
Chicago 17th ed. Pha Khao Lao. 2020. "ໝາກແໜ່ງດົງ / Pineapple Cardamom." Published May 29, 2020. https://www.phakhaolao.la/kb/0000856.
ກາບຫຸ້ມລຳສີດຳຢູ່ໃກ້ໂຄນ. ໃບຮູບຮີ-ຮູບຂອບຂະໜານ, ກ້ຽງທັ້ງສອງດ້ານ. ຊໍ່ດອກຕັ້ງຊື່. ໃບປະດັບຮູບໄຂ່, ມີຂົນອ່ອນນຸ້ມ. ດອກສີຂາວ, ກາບດອກມີຂົນດ້ານນອກ. ກີບປາກສີເຫຼືອງດ້ານໃນ. ໝາກກົມເປັນປີກນ້ອຍໆ, ໝາກອ່ອນເປັນສີບົວ.
ນິເວດວິທະຍາ ແລະ ການກະຈາຍພັນ: ເປັນພືດທີ່ເກີດໃນເຂດພູຕໍ່າ ທີ່ເປັນປ່າດົງດິບ, ປ່າເຂົາຕີນພູເຂົາຫິນປູນ, ທີ່ເປັນເຈີຍຊັນເລັກນ້ອຍ ທີ່ມີລັກສະນະດິນເປັນດິນຊາຍປົນດິນໜຽວ ປົນຫີນ ບ່ອນທີ່ລະບາຍນ້ຳໄດ້ດີ, ເກິດຢູ່ໃນລະດັບໜ້າທະເລປະມານ 447-452 ແມັດ, ເປັນພືດທີ່ເກິດຢູ່ບ່ອນຮົ່ມເລັກນ້ອຍ, ໃນປະເທດລາວເຮົາແມ່ນມີລາຍງານພົບຢູ່ສະເພາະໃນແຂວງຫຼວງນ້ຳທາເທົ່ານັ້ນ ຄືພົບຢູ່ບ້ານຊຽງກົກ.
ສະພາບການອະນຸລັກ: ເປັນໝາກແໜ່ງອິກຊະນິດໜື່ງທີ່ມີຄວາມໜ້າເປັນຫ່ວງຕໍ່ການສູນພັນ ເພາະວ່າເປັນພືດທີ່ການເກີດໃກ້ກັບພືດທີ່ກະສິກຳ ໂດຍສະເພາະແມ່ນ ເກິດຢູ່ຕາມແຄມສວນຢາງພາລາ ແລະ ສວນກ້ວຍ ອັນເປັນເຫດເຮັດໃຫ້ປະຊາກອນໃນທຳມະຊາດຂອງພວກມັນຫຼຸດລົງຍ້ອນການຖ່າງປ່າ ແລະ ສຳປະທານທີ່ດິນເພື່ອການກະສິກຳ, ຖ້າບໍ່ມີການປູກເພື່ອຮັກສາແນວພັນອາດເປັນພືດທີ່ສູນພັນແນ່ນອນ.
ການນຳໃຊ້:ໝາກສຸກສາມາດກີນໄດ້ເປັນອາຫານ ຄົນ ແລະ ສັດປ່າສາມາດກີນໄດ້ເຊັ່ນດຽວກັນ, ໝາກແກ່ ຫຼື ສຸກດີຈະຖືກນຳໃຊ້ເປັນຢາໃດ້ການນຳເອົາມາຕົ້ມນ້ຳດື່ມເພື່ອບຳລູງຮ່າງກາຍ.