ຕົ້ນງ່ຽງປາດຸກແດງ
APA 6th ed. ຕົ້ນງ່ຽງປາດຸກແດງ. (2020, March 12). Retrieved from https://www.phakhaolao.la/kb/0000830
MLA 8th ed. ຕົ້ນງ່ຽງປາດຸກແດງ. Pha Khao Lao, 12 March 2020, https://www.phakhaolao.la/kb/0000830.
Chicago 17th ed. Pha Khao Lao. 2020. "ຕົ້ນງ່ຽງປາດຸກແດງ." Published March 12, 2020. https://www.phakhaolao.la/kb/0000830.
ເປັນເຄິ່ງໄມ້ຟຸ່ມ ຫຼື ໄມ້ຢືນຕົ້ນຂະໜາດກາງ, ມີຄວາມສູງ 6-12 ແມັດ, ໃບດົກໜາທຶບ, ເປືອກລໍາຕົ້ນ ແລະ ກິ່ງກ້ານເປັນສີນໍ້າຕານແດງເຂັ້ມ, ຕາມກິ່ງກ້ານອ່ອນມີສີນໍ້າຕານອົມແດງ, ຂະຫຍາຍພັນດ້ວຍການໃຊ້ແກ່ນ. ໃບເປັນໃບດ່ຽວອອກລຽງກົງກັນຂ້າມກັນ, ໃບມີລັກສະນະເປັນຮູບວົງຮີ ຫຼື ຮູບໄຂ່ກັບ, ປາຍໃບມົນ, ສ່ວນຂອບໃບລຽບ, ໃບກວ້າງ 8-15 ຊັງຕີແມັດ ແລະ ຍາວ 15-22 ຊັງຕີແມັດ, ຫຼັງໃບດ້ານເທິງລຽບ ສ່ວນທ້ອງໃບດ້ານລຸ່ມມີຂົນສີຂາວຂຶ້ນປົກຄຸມ ຫຼື ມີຂົນທັງສອງດ້ານ. ອອກດອກເປັນຊໍ່ສັ້ນໆຂະໜາດນ້ອຍ ໂດຍຈະອອກຕາມງ່າມໃບໃກ້ປາຍກິ່ງ, ດອກຍ່ອຍເປັນສີຂຽວອ່ອນ, ກີບດອກມີ 5 ກີບ, ກົກກີບດອກເຊື່ອມຕິດກັນ, ກີບດອກເປັນຮູບກົມ. ລັກສະນະຂອງໝາກເປັນຮູບຊົງກົມ, ສີຂຽວ, ມີສັນນູນ 5-6 ສັນ, ຜິວໝາກລຽບ, ປາຍໝາກມີກາບດອກຕິດຢູ່, ອອກດອກ ແລະ ໝາກໃນຊ່ວງເດືອນເມສາຫາເດືອນກໍລະກົດ.
ປະໂຫຍດ ແລະ ສັບພະຄຸນ:
- ເນື້ອໄມ້ໃຊ້ເຮັດເຄື່ອງມືທາງການກະເສດ.
- ເນື້ອໄມ້ນໍາມາຕົ້ມກັບນໍ້າດື່ມເປັນຢາແກ້ອາການປວດທ້ອງ.
- ຮາກໃຊ້ເປັນຢາຖ່າຍ.
- ເປືອກຕົ້ນໃຊ້ຕໍາພອກແຜສົດເພື່ອຫ້າມເລືອດ.
- ແກນນໍາມາຕົ້ມກັບນໍ້າດື່ມເປັນຢາແກ້ອາການປະຈໍາເດືອນ.