ສ້ອຍທັບທິບ / Joint Weed

ຕົ້ນທັບທິມຈັດເປັນພືດລົ້ມລຸກ, ມີອາຍຸໄດ້ຫຼາຍລະດູ, ລໍາຕົ້ນຕັ້ງຊື່ ແລະ ມີຂົນ, ມີຄວາມສູງໄດ້ 40-80 ຊັງຕິແມັດ, ເຫັນຂໍ້ປ້ອງຊັດເຈນ, ຂະຫຍາຍພັນດ້ວຍວິທີປັກຊໍາລໍາຕົ້ນ, ມັກຂຶ້ນບໍລິເວນແຄມນໍ້າ. ໃບເປັນໃບດ່ຽວ, ອອກລຽງສະລັບກັນ, ລັກສະນະຂອງໃບເປັນຮູບຂອບຂະໜານ ຫຼື ຮູບໃບຫອກ, ປາຍໃບແຫຼມ, ສ່ວນຂອບໃບລຽບມີຂົນຢູ່ແຄມໃບ ແລະ ເສັ້ນກາງໃບ, ໃບກວ້າງ 1.5-3 ຊັງຕິແມັດ ແລະ ຍາວ 8-15 ຊັງຕິແມັດ, ຜິວໃບທັງສອງດ້ານມີຂົນຂຶ້ນປົກຄຸມ. ອອກດອກເປັນຊໍ່ຍາວຕາມງ່າມໃບ ແລະ ປາຍກິ່ງ, ດອກຍ່ອຍມີຈໍານວນຫຼາຍ, ກີບດອກເປັນສີຂາວ ຫຼື ສີມ່ວງແກມບົວ. ໝາກເປັນໝາກແຫ້ງບໍ່ແຕກ, ເປັນມັນ.