ກ່ອງເຂົ້າລີງ / Pitcher-Plant
APA 6th ed. ກ່ອງເຂົ້າລີງ / Pitcher-Plant. (2022, August 1). Retrieved from https://www.phakhaolao.la/kb/0000797
MLA 8th ed. ກ່ອງເຂົ້າລີງ / Pitcher-Plant. Pha Khao Lao, 1 August 2022, https://www.phakhaolao.la/kb/0000797.
Chicago 17th ed. Pha Khao Lao. 2022. "ກ່ອງເຂົ້າລີງ / Pitcher-Plant." Published August 1, 2022. https://www.phakhaolao.la/kb/0000797.
Phyllamphora mirabilis Lour.
Eng: Common Swamp, Pitcher-Plant
ຕົ້ນກ່ອງເຂົ້າລິງເປັນພືດທີ່ມີລໍາຕົ້ນອ່ອນ, ມັກຂຶ້ນຮ່ວມກັນເປັນກໍ່ໜາແໜ້ນ ຫຼື ລໍາຕົ້ນເລື້ອຍໄປຕາມພື້ນດິນ ຫຼື ເກາະໄມ້ພຸ່ມຂະໜາດນ້ອຍ. ໃບເປັນໃບດ່ຽວ, ລັກສະນະເປັນຮູບຮີ, ໃບກວ້າງ 3-5 ຊັງຕິແມັດ ແລະ ຍາວ 10-25 ຊັງຕິແມັດ, ຜິວໃບກ້ຽງເປັນມັນ, ປາຍໃບມີມືເກາະ ແລະ ມີກະເປາະດັກຈັບສັດ, ກະເປາະເມື່ອຍັງອ່ອນຝາຈະປິດ, ກະເປາະມີຫຼາຍສີເຊັ່ນ: ສີຂຽວ, ສີນໍ້າຕານອົມແດງ ແລະ ສີຂຽວປົນແດງ, ພາຍໃນກະເປາະມີຂົນປ້ອງກັນແມງໄມ້ທີ່ຕົກເຂົ້າໄປບໍ່ໃຫ້ອອກໄດ້, ຜິວກະເປາະມີຮູນ້ອຍໆຈໍານວນຫຼາຍປ່ອຍນໍ້າຍ່ອຍອອກມາຂັງໄວ້ໃນກະເປາະເພື່ອຍ່ອຍສະລາຍແມງໄມ້. ອອກດອກເປັນຊໍ່ຕາມຍອດຂອງລໍາຕົ້ນ, ກ້ານຊໍ່ດອກຍາວ 50-100 ຊັງຕິແມັດ, ດອກມີລັກສະນະເປັນຮູບຊົງກະບອກ, ອອກດອກຢູ່ປາຍກິ່ງ, ດອກຍ່ອຍມີຈໍານວນຫຼາຍ, ກີບເປັນສີມ່ວງເຂັ້ມ. ໝາກເປັນໝາກແຫ້ງແຕກ, ເປັນຮູບກົມຮີ, ແຕກເປັນ 4 ຝາ, ພາຍໃນໝາກມີແກ່ນຈໍານວນຫຼາຍ.
ປະໂຫຍດ ແລະ ສັບພະຄຸນ:
- ໃບເປັນສ່ວນປະສົມຂອງຢາທີ່ປຸງເປັນລູກກອນກິນແກ້ຫອບຫືດ.
- ສາມາດປູກເປັນໄມ້ປະດັບ.