ຕົ້ນຝາງ / Barbados Pride
APA 6th ed. ຕົ້ນຝາງ / Barbados Pride. (2019, November 25). Retrieved from https://www.phakhaolao.la/kb/0000771
MLA 8th ed. ຕົ້ນຝາງ / Barbados Pride. Pha Khao Lao, 25 November 2019, https://www.phakhaolao.la/kb/0000771.
Chicago 17th ed. Pha Khao Lao. 2019. "ຕົ້ນຝາງ / Barbados Pride." Published November 25, 2019. https://www.phakhaolao.la/kb/0000771.
Poinciana bijuga Lour.
Poinciana bijuga Burm. f.
Poinciana elata Lour.
Poinciana pulcherrima L.
Eng: Barbados Pride, Dwarf poinciana, Flower fence, Paradise Flower, Peacock's crest, Pride of Barbados
ຕົ້ນຝາງຈັດເປັນໄມ້ຟຸ່ມ, ມີຄວາມສູງ 1-2.5 ມ, ແຕກກິ່ງກ້ານຫຼາຍສາຂາ, ມີລໍາຕົ້ນຂະໜາດນ້ອຍ, ກິ່ງອ່ອນເປັນສີຂຽວ, ສ່ວນກິ່ງທີ່ແກ່ຈະເປັນສີນໍ້າຕານເຂັ້ມຕາມກິ່ງກ້ານຈະມີໜາມ, ຂະຫຍາຍພັນດ້ວຍວິທີການຕອນກິ່ງ ແລະ ເພາະແກ່ນ. ໃບເປັນໃບປະສົມແບບຂົນນົກສອງຊັ້ນ, ມີລັກສະນະເປັນແຜງໆອອກລຽງສະລັບກັນ, ໃບຍ່ອຍມີ 6-12 ຄູ່, ລັກສະນະຂອງໃບຍ່ອຍເປັນຮູບຂອບຂະໜານ ຫຼື ຮູບໄຂ່ກັບ, ປາຍໃບມົນ, ໃບກວ້າງ 0.6-1 ຊມ ແລະ ຍາວ 1-2.5 ຊມ. ອອກດອກເປັນຊໍ່, ໂດຍຈະອອກບໍລິເວນປາຍກິ່ງ, ງ່າມໃບ ຫຼື ປາຍຍອດ, ດອກຍ່ອຍຈະມີຈໍານວນຫຼາຍ, ດອກມີຫຼາຍສີແຍກໄປຕາມສາຍພັນມີສີສົ້ມ, ສີແດງປົນຂາວ, ສີເຫຼືອງ, ສີບົວ, ມີກີບດອກຢູ່ 5 ກີບ, ຂອບກີບດອກບໍ່ເທົ່າກັນ, ຂອບກີບດອກເປັນສີເຫຼືອງ. ອອກໝາກເປັນຝັກແປ, ຝັກມີຂະໜາດກວ້າງ 1.5-2 ຊມ ແລະ ຍາວ 10-12 ຊມ, ເມື່ອໝາກແກ່ແລ້ວຈະແຕກອອກ, ພາຍໃນໝາກຈະມີແກ່ນ 8-10 ແກ່ນ.
ປະໂຫຍດ:
- ແກ່ນຂອງໝາກຝາງສາມາດຮັບປະທານໄດ້.
- ນິຍົມປູກເປັນໄມ້ປະດັບເພາະມີດອກທີ່ສວຍງາມ.
- ໃນຄວາມສໍາຄັນທາງດ້ານເສດຖະກິດສາມາດປູກເພື່ອຈໍາໜ່າຍຕົ້ນກ້າເພື່ອເປັນໄມ້ປະດັບ.
ສັບພະຄຸນ:
- ດອກສີເຫຼືອງສາມາດນໍາມາຕົ້ມກັບນໍ້າແລ້ວໃຊ້ອົມເພື່ອບັນເທົາອາການເຈັບແຂ້ວໄດ້.
- ຮາກນໍາມາຕົ້ມ ຫຼື ຝົນເປັນຢາແກ້ບັນນະໂລກໃນໄລຍະທີ່ສາມ.
- ແກ່ນມີສັບພະຄຸນເປັນຢາຖ່າຍພະຍາດ.
- ຮາກໃຊ້ປຸງເປັນຢາຂັບປະຈໍາເດືອນຂອງແມ່ຍິງ.
- ຮາກມີສັບພະຄຸນເປັນຢາແກ້ບວມ.
ວິທີ ແລະ ປະລິມານທີ່ໃຊ້ເຮັດຢາ:
1) ຂັບໂລຫິດຣະດູ ຫຼື ຂັບປະຈໍາເດືອນ ໂດຍໃຊ້ຮາກສົດ ຫຼື ແຫ້ງ 10-15 ກຼາມ, ຕົ້ມໃນນໍ້າເດືອດ 500 ຊີຊີ ແລ້ວກອງເອົານໍ້າດື່ມມື້ລະ 2-3 ຄັ້ງ.