ຕົ້ນຊ້າງນ້າວ / Vietnamese mickey mouse plant
APA 6th ed. ຕົ້ນຊ້າງນ້າວ / Vietnamese mickey mouse plant. (2019, October 8). Retrieved from https://www.phakhaolao.la/kb/0000703
MLA 8th ed. ຕົ້ນຊ້າງນ້າວ / Vietnamese mickey mouse plant. Pha Khao Lao, 8 October 2019, https://www.phakhaolao.la/kb/0000703.
Chicago 17th ed. Pha Khao Lao. 2019. "ຕົ້ນຊ້າງນ້າວ / Vietnamese mickey mouse plant." Published October 8, 2019. https://www.phakhaolao.la/kb/0000703.
Eng: Vietnamese mickey mouse plant
ຕົ້ນຊ້າງນ້າວຈັດເປັນພັນໄມ້ຢືນຕົ້ນ ຫຼື ໄມ້ຟຸ່ມຂະໜາດນ້ອຍ, ມີຄວາມສູງ 3-8 ມ ແລະ ອາດສູງເຖິງ 12 ມ, ກິ່ງກ້ານແຜ່ຂະຫຍາຍອອກ, ລໍາຕົ້ນຄົດງໍ, ເປືອກຕົ້ນເປັນສີນໍ້າຕານເຂັ້ມ, ແຕກເປັນສະເກັດເປັນຮອງເລິກ, ຂະຫຍາຍພັນດ້ວຍການໃຊ້ແກ່ນ, ການຕອນກິ່ງ ແລະ ວິທີປັກຊໍາກິ່ງ. ໃບເປັນໃບດ່ຽວອອກລຽງສະລັບ, ມັກພົບຮຽງເປັນກຸ່ມໆຢູ່ປາຍກິ່ງ: ລັກສະນະຂອງໃບເປັນຮູບຂອບຂະໜານແກມຮູບໄຂ່ກັບ ຫຼື ເປັນຮູບຫອກແກມຮູບໄຂ່ກັບ, ປາຍໃບແຫຼມ, ໃບກວ້າງ 2.5-5.5 ຊມ ແລະ ຍາວ 12-17 ຊມ, ຜິວໃບລຽບ, ໃບແກ່ຈະເປັນສີຂຽວໝົ່ນໆ. ອອກດອກເປັນຊໍ່ແບບກະຈຸກແຍກຂະແໜງໂດຍອອກຕາມງ່າມໃບ ຫຼື ບໍລິເວນໃກ້ປາຍກິ່ງທີ່ບໍ່ມີໃບ, ມັນຈະອອກດອກພ້ອມກັບແຕກໃບໃໝ່, ໃນແຕ່ລະຊໍ່ດອກຈະມີດອກປະມານ 4-8 ດອກ, ດອກມີກາບດອກສີແດງລັກສະນະເປັນຮູບໄຂ່ຫາຮູບໄຂ່ແກມຮູບຂອບຂະໜານ 5 ກີບ, ສ່ວນກີບດອກນັ້ນເປັນສີເຫຼືອງສົດປະມານ 5-8 ກີບ, ກີບດອກມີລັກສະນະເປັນຮູບໄຂ່ກັບ, ປາຍກີບມົນ ຫຼື ກົມ. ໝາກເປັນໝາກສົດ, ແບບຜະໜັງຊັ້ນໃນແຂງ, ໝາກມີລັກສະນະຂ້ອນຂ້າງກົມ, ກວ້າງ 8-9 ມມ ແລະ ຍາວ 1-1.2 ຊມ, ໝາກເປັນສີຂຽວ ເມື່ອແກ່ແລ້ວຈະປ່ຽນເປັນສີດໍາ, ຜິວໝາກມັນ, ໝາກມີກ້ານເກສອນເພດມີຕິດຢູ່ ແລະ ຍັງມີກາບດອກສີແດງສົດທີ່ຈະເລີນຕາມມາຮອງຮັບ, ພາຍໃນໝາກມີແກ່ນ 1 ແກ່ນ.
ປະໂຫຍດ:
- ໃຊ້ປູກເປັນໄມ້ປະດັບທົ່ວໄປ ດອກມີກິ່ນຫອມຕະຫຼອດທັງມື້.
- ເປືອກນອກຂອງຕົ້ນນໍາມາບົດໃຫ້ເປັນຜົງຊື່ງຈະມີສີເຫຼືອງເຂັ້ມສົດນໍາມາໃຊ້ທາແກ້ສິວຝ້າ ຫຼື ໃຊ້ທາແທນແປງໄດ້.
ສັບພະຄຸນ:
- ເປືອກຕົ້ນມີລົດຂົມຊ່ວຍບໍາລຸງຫົວໃຈ.
- ເນື້ອໄມ້ຊ່ວຍແກ້ໂລຫິດພິການ.
- ຮາກໃຊ້ຕົ້ມກັບນໍ້າດື່ມເປັນຢາແກ້ເບົາຫວານ.
- ເນື້ອໄມ້ຊ່ວຍດັບພິດຮ້ອນໃນຮ່າງກາຍ.
- ແກນໄມ້ໃຊ້ຕົ້ມກັບນໍ້າດື່ມເປັນຢາແກ້ປະດົງ.
- ເປືອກຕົ້ນໃຊ້ປຸງເປັນຢາຊ່ວຍເຮັດໃຫ້ຈະເລີນອາຫານ.