ຕົ້ນດອກນໍ / Negkassar
APA 6th ed. ຕົ້ນດອກນໍ / Negkassar. (2019, October 8). Retrieved from https://www.phakhaolao.la/kb/0000690
MLA 8th ed. ຕົ້ນດອກນໍ / Negkassar. Pha Khao Lao, 8 October 2019, https://www.phakhaolao.la/kb/0000690.
Chicago 17th ed. Pha Khao Lao. 2019. "ຕົ້ນດອກນໍ / Negkassar." Published October 8, 2019. https://www.phakhaolao.la/kb/0000690.
Eng: Negkassar
ຕົ້ນດອກນໍຈັດເປັນພັນໄມ້ຢືນຕົ້ນຂະໜາດກາງ, ສູງ 10-15 ມ, ແຕກກິ່ງກ້ານແຜ່ກວ້າງ, ເປືອກລໍາຕົ້ນເປັນສີເທົາອົມນໍ້າຕານຫາດໍາ, ເປືອກເນື້ອໄມ້ເປັນສີນໍ້າຕານປົນແດງ, ຂະຫຍາຍພັນດ້ວຍການໃຊ້ແກ່ນ ແລະ ການຕອນກິ່ງ. ມີໃບເປັນດ່ຽວອອກລຽງກົງກັນຂ້າມສະລັບຕັ້ງສາກ, ໃບມີລັກສະນະເປັນຮູບໄຂ່ກັບ ຫຼື ເປັນຮູບຮີແກມຂອບຂະໜານ, ປາຍມົນກວ້າງໆ, ໃບກວ້າງ 2.5-7 ຊມ ແລະ ຍາວ 7.5-25 ຊມ, ແຜ່ນໃບກ້ຽງສີຂຽວເຂັ້ມເປັນມັນ, ທ້ອງໃບຈະສີອ່ອນກວ່າ, ເນື້ອໃບຄ່ອນຂ້າງລຽບ. ອອກດອກດ່ຽວ ຫຼື ເປັນຊໍ່ກະຈຸກຕາມກິ່ງ, ດອກຍ່ອຍເປັນສີຂາວ, ມີກິ່ນຫອມຫຼາຍ, ກີບດອກມີ 4 ກີບ, ສ່ວນກາບດອກມີ 2 ກີບ. ໝາກມີລັກສະນະເປັນຮູບກະສວຍ ຫຼື ກົມຣີ, ຂະໜາດ 2.5-5 ຊມ, ຜິວໝາກລຽບ, ໝາກອ່ອນເປັນສີຂຽວ, ໝາກສຸກເປັນສີເຫຼືອງອົມສົ້ມ, ເນື້ອໝາກນິ່ມ, ໝາກເມື່ອແກ່ຈະແຕກອອກໄດ້ ແລະ ມີແກ່ນດຽວ.
ປະໂຫຍດ:
- ໝາກສຸກສາມາດຮັບປະທານເປັນໝາກໄມ້ໄດ້.
- ນອກຈາກໃຊ້ຮັບປະທານເປັນໝາກໄດ້ແລ້ວຍັງສາມາດນໍາໄປແປຮູບເປັນຜະລິດຕະຜັນຕ່າງໆໄດ້ເຊັ່ນ: ເຮັດນໍ້າໝາກໄມ້, ເຮັດວາຍ, ເຮັດແຍມ ເປັນຕົ້ນ.
- ດອກສົດນໍາໄປສະກັດເປັນນໍາມັນຫອມລະເຫຍ.
- ສາມາດປູກເປັນໄມ້ປະດັບ, ໄວ້ບັງລົມ ແລະ ປູກໄວ້ເພື່ອເປັນສິລິມຸງຄຸນ.
ສັບພະຄຸນ:
- ໝາກມີກິ່ນຫອມເຢັນ, ສ່ວນໝາກມີລົດຫວານ ຊ່ວຍບໍາລຸງຫົວໃຈ.
- ໝາກສຸກໃຊ້ຮັບປະທານຊ່ວຍຂະຫຍາຍຫຼອດເລືອດ.
- ດອກໃຊ້ເປັນຢາຊູກໍາລັງ, ບໍາລຸງກໍາລັງ.
- ຢາງໄມ້ນໍາມາໃຊ້ແກ້ອາການແພ້ຄັນຈາກພິດຂອງຕົ້ນໝາມຸ່ຍ ຫຼື ຈາກນໍ້າລາຍຂອງຫອຍບາງຊະນິດ.
- ໃບຊ່ວຍບັນເທົາອາການປວດຕາມຂໍ້.