ຕົ້ນມູກເຕ້ຍ
APA 6th ed. ຕົ້ນມູກເຕ້ຍ. (2019, October 7). Retrieved from https://www.phakhaolao.la/kb/0000686
MLA 8th ed. ຕົ້ນມູກເຕ້ຍ. Pha Khao Lao, 7 October 2019, https://www.phakhaolao.la/kb/0000686.
Chicago 17th ed. Pha Khao Lao. 2019. "ຕົ້ນມູກເຕ້ຍ." Published October 7, 2019. https://www.phakhaolao.la/kb/0000686.
Holarrhena crassifolia Pierre
Holarrhena crassifolia var. montana Pierre ex Spire
Holarrhena densiflora Ridl.
Holarrhena latifolia Ridl.
Holarrhena pulcherrima Ridl.
Holarrhena similis Craib
ຕົ້ນມູກເຕ້ຍຈັດເປັນພັນໄມ້ຟຸ່ມຂະໜາດນ້ອຍ, ລໍາຕົ້ນມີລັກສະນະຕັ້ງຊື່ ແລະ ມີຄວາມສູງ 1-2 ມ, ແຕກກິ່ງກ້ານຕໍ່າຕິດພື້ນດິນ, ລໍາຕົ້ນມີກິ່ງກ້ານບໍ່ຫຼາຍ, ລໍາຕົ້ນມີສີນໍ້າຕານດໍາ, ເມື່ອຫັກຕາມລໍາຕົ້ນກິ່ງກ້ານ ແລະ ໃບຈະມີຢາງສີຂາວຂຸ່ນອອກມາ. ໃບເປັນໃບດ່ຽວອອກລຽງກົງກັນຂ້າມສະລັບຕັ້ງສາກ, ປາຍໃບມົນ ຫຼື ເປັນຕິ່ງໜາມ, ໃບກວ້າງ 2.5-5 ຊມ ແລະ ຍາວ 7-12 ຊມ, ແຜ່ນໃບໜາຄ້າຍຄືໜັງ ຫຼັງໃບດ້ານເທິງມີສີຂຽວເຂັ້ມທ້ອງໃບດ້ານລຸ່ມມີສີຂາວນວນກວ່າດ້ານເທິງ. ອອກດອກເປັນຊໍ່ແຍກຂະແໜງຕາມງ່າມໃບ ແລະ ປາຍກິ່ງ, ດອກຍ່ອຍມີຈໍານວນຫຼາຍ, ກີບດອກໜາເປັນສີຂາວ, ມີກິ່ນຫອມ, ກີບດອກມີ 5 ກີບເຊື່ອມຕິດກັນເປັນຫຼອດ ກີບມີລັກສະນະເປັນຮູບໄຂ່ກັບຫາຮູບວີ, ປາຍກົມມີຂົນທັງສອງດ້ານ, ສ່ວນກາບດອກມີ 5 ກີບ ລັກສະນະກາບດອກເປັນຮູບແຖບ. ອອກໝາກເປັນຝັກຄູ່, ລັກສະນະກົມຍາວຄ້າຍຄືດາບ, ປາຍຝັກແຫຼມຊີ້ຂຶ້ນ, ຝັກມີຂະໜາດກວ້າງ 1.5-5 ຊມ ແລະ ຍາວ 7-30 ຊມ, ພໍຝັກແຫ້ງຈະແຕກອອກຕາມແລວດຽວ, ພາຍໃນຝັກມີແກ່ນສີນໍ້າຕານ.
ປະໂຫຍດ:
- ໃຊ້ປູກເປັນໄມ້ປະດັບໄດ້ດີ.
ສັບພະຄຸນ:
- ຕົ້ນ ແລະ ຮາກມີລົດຮ້ອນ ມີສັບພະຄຸນເປັນຢາຂັບລົມ, ຊ່ວຍກະຈາຍເລືອດລົມ.
- ຮາກໃຊ້ປະສົມກັບອ້ອຍດໍາ ແລະ ເຂົ້າສານ (ເຂົ້າຈ້າວ) ນໍາມາແຊ່ກັບນໍ້າດື່ມແກ້ອາຈຽນ.
- ເປືອກ ແລະ ຮາກມີສັບພະຄຸນເປັນຢາແກ້ອາການຖອກທ້ອງ.
- ຕົ້ນ ແລະ ຮາກໃຊ້ເປັນຢາຂັບພະຍາດ.
- ຮາກມູກນ້ອຍໃຊ້ປະສົມກັບຮາກຕິ້ວຂົນ ນໍາມາຕົ້ມກັບນໍ້າດື່ມເປັນຢາແກ້ຜິດສໍາແດງ.