ໝາກແປບ / Hyacinth Bean

ເປັນໄມ້ລົ້ມລຸກອາຍຸຫຼາຍປີ, ມີລໍາຕົ້ນຢູ່ເທິງໝ້າດິນ, ລໍາຕົ້ນກ່ຽວພັນ, ຍາວ 4-6 ມ, ສີຂຽວ ແລະ ມີຂົນສີຂາວ. ໃບປະສົມແບບຂົນນົກ, ມີໃບຍ່ອຍ 3 ໃບລຽງສະຫຼັບກັນ, ໃບຍ່ອຍເປັນຮູບໄຂ່,  ໃບກ້ວາງ 4-6 ຊມ, ຍາວ 5-12 ຊມ, ມີຫູໃບຍ່ອຍ, ແຜ່ນໃບມີຂົນບາງໆ, ສ່ວນກ້ານໃບຍາວ 5 ນີ້ວ. ດອກອອກເປັນຊໍ່ກະຈາຍຕາມຊອກລະຫວ່າງກ້ານໃບກັບກິ່ງ, ກ້ານຊໍ່ດອກຍາວປະມານ 5-10 ຊມ. ຊໍ່ດອກຍ່ອຍມີຈໍານວນຫຼາຍ, ກີບດອກເປັນສີມ່ວງ ຫຼື ສີຂາວແຍກອອກຈາກກັນ ມີຈໍານວນ 3 ກີບ, ດອກມີເກສອນຜູ້ສີເຫຼືອງຈໍານວນ 3 ດອກ, ມີເກສອນແມ່ສີເຫຼືອງຈໍານວນ 1 ດອກ. ໝາກແປບຍາວ ແລະ ໂຄ້ງງໍປາຍໝາກເປັນຈະງອຍ, ຜິວໝາກຈະລຽບ,  ເປັນສີຂຽວອ່ອນ ຫຼື ສີມ່ວງ, ໝາກມີແກ່ນປະມານ 3-6 ແກ່ນ. ແກ່ນເປັນຮູບໄຂ່ກົມ.