ແຜ່ນດິນເຢັນ / The Chinese Evergreen

Use

Medicine

Ornamental

Scientific Name / Family

Aglaonema modestum Schott ex Engl. / Araceae

Synonyms

Aglaonema acutispathum N.E.Br.
Aglaonema costatum var. viride Engl.
Aglaonema laoticum Gagnep.

Other Names

ລາວ: ແຜນດິນເຢັນ
ໄທ: ຂຽວໝື່ນປີ, ຫວ້ານຂັນໝາກ, ໝາກເຂືອພໍ່ຄ້າ, ບ້ວນມີແຊ ແລະ ແກ້ວການຈະນາ
ວຽດນາມ: ລຸກກັນ.
ຈີນ: ວັນ-ລຽນ-ຊີ່ງ, ເຈນເນນຈຽນ. ພາສາຈີນ ແປວ່າ ຂຽວ
ສິບພັນປີ ແລະ ຕາມປະເພນີຈີນ ນັບຖືພືດຊະນິດນີ້
ເປັນພືດນຳໂຊກລາບທີ່ດີ ແກ່ເຂົາເຈົ້າເອງ.
ອັງກິດ: Chinese evergreen, Japanese leaf, Malayan sword and Aglaonema

Botanical Description

ແຜ່ນດິນເຢັນ ຈັດເປັນພືດລົ້ມລຸກຂະໜາດນ້ອຍຈຳພວກຫວ້ານ. ລຳຕົ້ນຕັ້ງຊື່, ອາດສູງຮອດ 1-2 ແມັດ, ມີຢາສີຂາວ, ເປັນໄມ້ເນື້ອອ່ອນ, ມີຂໍ້ຖີ່, ບໍ່ແຕກກິ່ງ, ມີຫົວຢູ່ໃຕ້ດິນ, ຂະຍາຍພັຍດ້ວຍການແຕກໜໍ່. ໃບດ່ຽວ, ອອກຮຽງສະຫຼັບ, ຮູບຫອກຍາວ ຫຼື ຮູບໃບພາຍ, ກ້ວາງ 6-10 ຊມ, ຍາວ 10-25 ຊມ, ໂຄນໃບຮຽວຍາວຄ່ອຍໆຕິດກັບກ້ານ, ຂອບລຽບ ຫຼື ເປັນຄື້ນເລັກນ້ອຍ, ປາຍແຫຼມ, ແຜ່ນໃບມີສີຂຽວເຂັ້ມສະຫຼັບກັບສີຂຽວປົນເທົາ. ກ້ານໃບຍາວ 8-10 ຊມ, ໂຄນກ້ານໃບເປັນກາບອວບຫຸ້ມລຳຕົ້ນ. ຊໍ່ດອກຄ້າຍກັບຊໍ່ດອກໃນຕະກຸນບອນທົ່ວໄປ ໂດຍຈະອອກບໍລິເວນງ່າມໃບ, ມີລັກສະນະເປັນຮູບຊົງກະບອກ ປະກອບດ້ວຍດອກເພດຜູ້ຢູ່ດ້ານເທິງ ແລະ ດອກເພດແມ່ຢູ່ດ້ານລຸ່ມ. ມີປະປະດັບຊໍ່ດອກຄ້າບດອກໜ້າງົວ, ຮູບໄຂ່ ຫຼື ຮູບຂ້ອນຂ້າງກົມ, ສີເຫຼືອງນວນ. ໝາກມີຂະໜາດ ແລະ ລັກສະນະຄ້າຍກັບຫວ້ານໃຫຍ່, ເມື່ອແກ່ຈະມີສີເຫຼືອງເຂັ້ມ.

Description of Use

ສັບພະຄຸນ:

ຮາກ ແລະ ໃບ: ມີຣົດຈືດ ແລະ ຂົມເລັກນ້ອຍ ມີພິດເລັກນ້ອຍ, ໃຊ້ເປັນຢາດັບພິດຮ້ອຍ, ຖອນພິດໄຂ້, ຮັກສາໄທຟອຍ (ພະຍາດທີ່ເກີດຈາກການຕິດເຊື້ອແບັກທິເຣຍ Salmonella Typhi), ຮັກສາອາການໄອເປັນເລືອດ, ຮັກສາອາການໄອຈາກປອດເກີດຄວາມຮ້ອນ, ຮັກສາຫອບຫືດ ແລະ ຮັກສາທາງເດີນປັດສະວະອັກເສບ.
ຮາກ: ໃຊ້ເປັນຢາຮັກສາອາການເຈັບຄໍ ແລະ ຄໍບວມອັກເສບ.
ໃບ: ໃຊ້ເປັນຢາຮັກສາຄໍຕີບ, ນຳມາຕຳກັບເຫຼົ້າໃຊ້ພອກຮກສາແຜສົດ, ເຮັດໃຫ້ແຜບໍ່ອັກເສບ ຫຼື ເຈັບ, ຖ້າແຜຫາຍດີຈະບໍ່ເປັນຫອຍແຜ, ໃຊ້ເປັຢາຮັກສາຝີໜອງ, ນຳມາມາບົດພອກຊ່ວຍຫຼຸດອາການບວມ, ຮັກສາຂໍ້ອັກເສບ ແລະ ບວມ.
ຕົ້ນ: ນຳມາຕ້ຳບອກບໍລິເວນທີ່ຖືກໝາກັດເພື່ອຮັກສາບາດແຜ ແລະ ນ້ຳຄັ້ນຈາກຕົ້ນມີພິດເຮັດໃຫ້ຄັນຄາຍຜິວໜັງ ຖ້າໃຊ້ໃນກໍລະນີຂໍ້ອັກເສບຈະເຮັດໃຫ້ເລືອດມາຫຼໍ່ລ້ຽງໄດ້ດີ.

ພືອປະດັບ: ນິຍົມນຳມາປູກເປັນພືດປະດັບ ເນື່ອງຈາກມີຄວາມສວຍງາມ ແລະ ເສີມຄວາມມຸງຄຸນໃຫ້ກັບສະຖານທີ່ປູກ, ໂດຍຈະມີການນຳມາປູກປະດັບທັງພາຍໃນ ແລະ ພາບນອກອາຄານ,

ປະໂຫຍດ:

ຕາມຄວາມເຊື່ອ: ເຊື່ອວ່າເປັນຫວ້ານມົງຄົນຈະເຮັດໃຫ້ຜູ້ປູກອາຍຸຢືນຍາວ
ຈັດເປັນໄມ້ປະດັບທີ່ສາມາດໃນການດູດສານພິດໄດ້ລະດັບປານກາງ ເພາະມີໃບກ້ວາງຈຶ່ງມີພື້ນທີ່ໃນການດູດສານພິດໄດ້ຫຼາຍ, ແຕ່ມີອັດຕາການຄາຍຄວາມຊຸ່ມສູງ ແລະ ມີປະສິດທິພາບສູງໃນການດູດສານພິດຈຳພວກ ຟໍມັລດີໄຮດ໌ (Formaldehyde).

References / Citations

Chen, J., et al. (2004). Genetic relationships of Aglaonema species and cultivars inferred from AFLP markers. Annals of Botany 93(2), 157-66.

Conover, C. A., et al. Aglaonema Production Guide for Commercial Growers. Archived June 21, 2013, at the Wayback Machine. Foliage Digest. Mid-Florida Research & Education Center. University of Florida IFAS

NAFRI, NUoL,SNV. 2007. Non-Timber Forest Products in the Lao PDR. A Manual of 100 Commercial and Traditional Products. The National Agriculture and Forestry Research Institute.

Contributors

ຮຽບຮຽງ: ສີວິໄລ ອິນທະວົງ, ກວດແກ້: ແກ້ວອຸດອນ ສຸວັນນະກູມມານ