ຫຍ້າເອັນຢືດ / Broad-leaved plantain

ພືດຊະນິດນີ້ບັນຈຸທາດກະລຸຍຊິດຫຼາຍຊະນິດ ແລະ ວິຕາມິນ K ໃຊ້ເປັນຢາຂັບໄລ່ປັດສະວະ, ໃຊ້ປົວໄອຊ້ຳເຮື້ອ, ໃຊ້ເປັນຢາເຢັນ. ໃຊ້ແກ້ຄວາມດັນໂລຫິດສູງດ້ວຍການໃຊ້ຫຍ້າເອັນຢືດ ແລະ ຜັກຄາວທອງ ຢ່າງລະ 35 ກຼາມ ນຳມາຕົ້ມນ້ຳກິນ. ໝົ້ດທັງຕົ້ນນ້ຳໄປຕົ້ມກັບນ້ຳຕານກວດໃຊ້ກິນເປັນຢາແກ້ອາການຮ້ອນໃນ, ແກ້ເຈັບຄໍ, ມີລິດເປັນຢາເຢັນ, ຊ່ວຍແກ້ຫວັດຫຼອດລົມອັກເສບ (ຕົ້ນ), ຊ່ວຍຂັບຂີ້ກະເທີ່ ແກ້ອາການໄອ (ເມັດ) ຮາກໃຊ້ຕົ້ມກັບນ້ຳດື່ມເປັນຢາແກ້ໄອ, ໃບໃຊ້ກິນເປັນຢາແກ້ເລືອດກຳເດົາໄຫຼ. ຫຍ້າເອັນຢືດ ຫຼື ຜັກກາດນ້ຳເປັນຢາສະໝຸນໄພທີ່ຮັກສາອາການອັກເສບຂອງເສັ້ນເອັນ ແລະ ກ້າມເນື້ອ, ຊ່ວຍແກ້ອາການປວດບໍລິເວນຄໍ, ຫຼັງ, ແອວ, ແຂນ ແລະ ຂາ ຟົກຊ້ຳບວມຈາກການລົ້ມກະທົບກະແທກ. ດັ່ງນັ້ນຫາກມີອາການດັ່ງກ່າວກໍ່ໃຫ້ນຳຫຍ້າເອັນຢືດມາທຸບໃຫ້ນ້ຳອອກແລ້ວນຳໄປປົກບໍລິເວນທີ່ເປັນ ເຊື່ອວ່າຈະຊ່ວຍເຮັດໃຫ້ເສັ້ນເອັນຄາຍຕົວ, ຊ່ວຍບັນເທົາຄວາມເຈັບປວດລົງໄດ້. ນອກຈາກນີ້ຍັງໃຊ້ເປັນຢາຮັກສາກະດູກຫັກ, ກະດູກແຕກ ໂດຍໃຊ້ລວມກັບສະໝຸນໄພອຶ່ນໆ ເຊັ່ນ: ຫົວຊີງໄຄ, ເຄືອເຂົາຮໍ ເປັນຕົ້ນ. ຫາກກະດູກຫັກ ຫຼື ແຕກຈາກອຸບັດຕິເຫດເສັ້ນເອັນຕືງກໍ່ໃຫ້ເອົານ້ຳໝາກພ້າວຖອກໃສ່ພາຊະນະພໍປະມານແລ້ວນຳຫຍ້າເອັນຢືດປະມານ 4–5 ຕົ້ນ ນຳມາທຸບໃຫ້ພໍແລກ. ເອົາມາທອດຍ່ຳກັບນ້ຳມັນແລ້ວເອົາມາທາບໍລິເວນທີ່ເສັ້ນເອັນຕືງຈະຊ່ວຍເຮັດໃຫ້ເອັນຢືດ ແລະ ສະໝານກະດູກທີ່ແຕກ ແລະ ຫັກໄດ້ເປັນຢ່າງດີ.