ຜັກສົ້ມພໍດີ / Roselle
APA 6th ed. ຜັກສົ້ມພໍດີ / Roselle. (2019, April 3). Retrieved from https://www.phakhaolao.la/kb/0000255
MLA 8th ed. ຜັກສົ້ມພໍດີ / Roselle. Pha Khao Lao, 3 April 2019, https://www.phakhaolao.la/kb/0000255.
Chicago 17th ed. Pha Khao Lao. 2019. "ຜັກສົ້ມພໍດີ / Roselle." Published April 3, 2019. https://www.phakhaolao.la/kb/0000255.
Furcaria sabdariffa Ulbr.
Hibiscus acetosus Noronha
Hibiscus cruentus Bertol.
Hibiscus fraternus L.
Hibiscus gossypifolius Mill.
Hibiscus palmatilobus Baill.
Hibiscus sanguineus Griff.
Hibiscus subdariffa Rottb.
Sabdariffa rubra Kostel.
Thai: grà jíap
Burmese: chin baung ywet
ເປັນພືດລົ້ມລຸກປີດຽວ, ສູງເຖິງ 2 ມ, ແຕກກິ່ງກ້ານສີມ່ວງແດງ. ໃບດ່ຽວ, ຈັບແບບສະຫຼັບ, ຮູບໄຂ່ ຫຼື ຮູບຝ່າມື, ກວ້າງ 7-12 ຊມ, ຍາວ 8-15 ຊມ, ຂອບໃບຢັກວ້ຳເລິກ 3-5 ແສກ, ກ້ານໃບຍາວປະມານ 4-10 ຊມ, ສີແດງ, ເສັ້ນກາງໃບອອກຈາກກົກໃບ 4-8 ເສັ້ນ. ດອກດ່ຽວ, ກ້ານດອກສັ້ນໆ, ດິ້ວປະດັບມີ 8-12 ເສັ້ນ, ສີແດງ, ຮູບຫອກ, ເຊື່ອມຕິດກັນທີ່ຖານ. ກາບດອກສີມ່ວງແດງ, ຮູບຖ້ວຍ, ເຊື່ອມຕິດກັນທີ່ຖານ, ອວບນ້ຳ, ປາຍແຍກເປັນ 5 ແສກ, ວົງກີບດອກສີເຫຼືອງ, ດ້ານໃນມີວົງສີແດງຊ້ຳ, ເກສອນເພດຜູ້ຈຳນວນຫຼາຍ, ປາຍເກສອນເພດແມ່ແຍກເປັນ 5 ແສກ. ໝາກແຫ້ງແລ້ວແຕກ, ຮູບຮ່າງຂ້ອນຂ້າງກົມ, ກ້ວາງ 1.5 ຊມ, ມີກາບດອກສີແດງອວບນ້ຳຫຸ້ມໄວ້.
ຍອດອ່ອນຂອງສົ້ມພໍດີມັກເອົາມາໃສ່ກັບແກ້ງປານ້ຳຂອງເຊັ່ນ: ແກ້ງປາກົດ, ແກ້ງປາອື່ນໆ, ນອກນັ້ນຍັງໃຊ້ກັບແກ້ງສົ້ມທົ່ວໄປ, ຍອດອ່ອນຂອງມັນຈະມີລົດສົ້ມ, ເມື່່ອນໍ້າມາຕົ້ມໃສ່ກັບແກ້ງຈະອອກລົດສົ້ມ, ມັກເຫັນຂາຍຕາມທ້ອງຕະຫຼາດທົ່ວໄປເພາະວ່າມັນເປັນພືດປູກແລ້ວໃນປະຈຸບັນ, ເພີ່ນປູກເປັນເສດຖະກີດໄດ້ແລ້ວ. ນອກຈາກຍອດທີ່ກີນໄດ້ແລ້ວ, ໝາກ ແລະ ແກ່ນຍັງມີການນຳໃຊ້ເປັນຢາເພື່ອປົ່ວພະຍາດ ແລະ ບຳບັດຮ່າງກາຍທີ່ມີສານຜິດໄດ້.
ສ່ວນທີ່ໃຊ້ເປັນຢາ: ໝາກ ແລະ ແກ່ນ, ປິ່ນປົວພະຍາດ: ດີເຈັບຕັບ ແລະ ໜິ້ວ ມີວິທີການນຳໃຊ້: ດີເຈັບຕັບແມ່ນໃຊ້
ໝາກຕົ້ມນ້ຳກິນ, ສຳລັບໜິ້ວແມ່ນໃຊ້ແກ່ນຕົ້ມນ້ຳກິນທຸກມື້ຈົນກ່ວາກ້ອນໜິ້ວຈະອອກ. ໃບກັບຍອດອ່ອນ ແລະ ກາບດອກທີ່ມີສີແດງມີລົດສົ້ມຍັງສາມາດນຳມາປຸງອາຫານໄດ້.
ການປູກຂະຫຍາຍພັນ: ສົ້ມພໍດີເປັນພືດທີ່ມັກດິນທີ່ອຸດົມສົມບູນລະບາຍນ້ຳໄດ້ດີ, ເປັນພືດທີ່ມີອາຍຸສັ້ນຂະຫຍາຍພັນດ້ວຍແກ່ນ, ແກ່ນສາມາດກ້າ ແລະ ເລີ່ມປູກໃນຊ່ວງຕົ້ນລະດູຝົນ ແລ້ວຈະອອກດອກ, ໝາກປະມານທ້າຍປີ. ໝາກຈະແຕກອອກເຫັນເມັດສີດຳທີ່ສາມາດເກັບເປັນແນວພັນໄດ້.