ກັນຊົງ / Hemp

ເສັ້ນໃຍກັນຊົງເປັນເສັ້ນໃຍທີ່ມີຄູນນະພາບສູງ ມີຄວາມຍືດຍູ່ນ ແຂງແຮງ ແລະ ທົນທານສູງ ສາມາດໃຊ້ເປັນວັດຖູດິບໃນການທຳຜະລິດທະພັນຈາກເສັ້ນໃບໄດ້ ຕັ້ງແຕ່ເຊືອກຈົນເຖີງເສັ້ນໃຍທີ່ລະອຽດ ສ່ວນເສັ້ນໄຍຄູນນະພາບຕໍ່າ ຫຼື ກາກເສັ້ນໃຍນັ້ນ ສາມາດໃຊ້ໃນການເຮັດຜະລິດຕະພັນອື່ນໆໄດ້ ຕາມຄວາມຕ້ອງການຂອງຕະຫຼາດທີ່ມີຢູ່ 2 ປະການຄື ໃຊ້ເປັນວັດຖຸດິບໃນການຜະລິດຜ້າ ແລະ ເຈ້ຍວິເຄາະແນວໂນ້ມທີ່ຈະເປັນປະໂຫຍດດ້ານອື່ນແກ່ໝູ່ບ້ານມົ້ງ ແລະ ໃນອານາຄົດ. ພືດເສັ້ນໃຍ ແລະ ເຍື່ອເຈ້ຍຈະເປັນອີກວັດຖຸດິບໜື່ງທີ່ມີການໃຊ້ເພີ່ມຂື້ນຢ່າງຫຼວງຫຼາຍ ແລະ ຈະເປັນພືດອີກຊະນິດໜຶ່ງທີ່ຈະຂາດແຄນ ແລະ ສາມາດທຳລາຍໄດ້ງ່າຍ ເພາະເປັນເສັ້ນໃຍພືດອາຍຸສັ້ນປູກໄດ້ຫຼາຍຄັ້ງຕໍ່ປີໃຊ້ທຶນນ້ອຍ ແລະ ສາມາດດູແລຮັກສາໄດ້. ບໍ່ມີຄວາມເປັນພືດຕໍ່ສີ່ງແວດລ້ອມ. ການເກັບກູ້ເສັ້ນໃຍຈະເກັບກ່ຽວເມື່ອອາຍຸປະມານ 2.5 ເດືອນ ຫຼື ປະມານ 75 ວັນ ຄວາມສູງຂອງລຳຕົ້ນປະມານ 2 ມ, ໃນຊ່ວງນີ້ເສັ້ນໃຍຈະມີຄວາມໜຽວ, ເບົາ. ຖ້າເກັບກ່ຽວຫຼັງຈາກນັ້ນຈະເລີ່ມອອກດອກ ຖ້າອອກດອກແລ້ວຈະໄດ້ເສັ້ນໃຍຄູນນພາບບໍ່ດີເທົ່າກ່ອນອອກດອກ. ການເກັບກູ້ໂດຍຕັດເອົາລຳຕົ້ນຈາກພື້ນທີ່ປູກສູງຈາກດິນປະມານ 5-6 ຊມ, ຮິດເອົາໃບອອກໃຫ້ໝົດ ແລະ ຕັດຍອດຖີ້ມ, ໃຫ້ເຫຼືອພຽງລຳຕົ້ນ ຈາກນັ້ນນຳມາຄັດຂະໜາດ ແລະ ຈັດເປັນກອງໆ ແລ້ວຈື່ງນຳມາຕາກແດດປະມານ 1 ອາທີດ ເພື່ອໃຫ້ຕົ້ນແຫ້ງ ຫຼັງຈາກນັ້ນນຳມາພັກໄວ້ໃນທີ່ຮົ່ມອີກປະມານ 3-4 ວັນ ຈື່ງຈະສາມາດນຳມາລອກໄດ້ ແຕ່ຫາກຍັງບໍ່ໄດ້ລອກກໍ່ຄວນເກັບໄວໃນທີ່ຮົ່ມ ແລະ ມີອາກາດຖ່າຍເທ ຫາກໃນກໍລະນີໄວ້ດົນ ແລະ ມີຮາຂື້ນພຽງແຕ່ນຳໄປລ້າງນຳ້ໃຫ້ສະອາດກໍ່ສາມາດລອກໄດ້ຕາມປົກກະຕິ.

ກວ່າຈະນຳເສັ້ນໃຍມາເປັນເສັ້ນໃຍໄດ້ນັ້ນຕ້ອງຜ່ານຂະບວນການຫຼາຍຂັ້ນຕອນ ຕັ້ງແຕ່ຕັດຕົ້ນມາຕາກໃຫ້ແຫ້ງ ແລ້ວນຳເອົາລຳຕົ້ນມາລອກເອົາເປືອກຈາກຕົ້ນຊ່ວງທີ່ມີອາກາດຊື່ນ ເຊັ່ນໜ້າຝົນຈະເຮັດໃຫ້ການລອກເປືອກມີຄູນນະພາບດີບໍ່ຂາດ ຈາກນັ້ນນຳມາຕໍ່ໃຫ້ຍາວແລ້ວປັ່ນ ແລະ ມ້ວນໃຫ້ເປັນເສັ້ນກ່ອນນຳໄປຕົ້ມໃນນ້ຳຮ້ອນທີ່ປະສົມກັບຂີ້ເຖົ່າ ເພື່ອໃຫ້ເກີດການນຸ່ມ ແລະ ໜຽວ ແລ້ວນຳໄປຊັກໃນນ້ຳສະອາດ ຈະໄດ້ເສັ້ນດ້າຍຈາກໃຍກັນຊົງທີ່ມີຄວາມໜຽວທົນທານ ນຳໄປທໍເປັນຜ້າຜືນຍາວ ຕໍ່າແລ້ວກໍ່ເອົາໄປຍ້ອມສີຈາກວັດຖຸດິບທຳມະຊາດ ເຊັ່ນ ຕົ້ນໄມ້ ເປືອກໄມ້ ແລ້ວນຳຜ້າທີ່ໄດ້ໄປຕັດຫຍິບເປັນຊຸດຂອງເຜົ່າມົ້ງ, ຕາມທີ່ຕ້ອງການຖ້າຢາກໄດ້ລວດລາຍກໍ່ເອົາມາປັກໃຫ້ເປັນລວດລາຍຕາມຄວາມມັກ ຈະເຫັນວ່າກວ່າຈະໄດ້ຜືນໜື່ງຕ້ອງໃຊ້ເວລານາມ ແລະ ຄວາມພິຖີພີຖັນ ຜ້າຈາກໃຍກັນຊົງມີລາຄາຄ່ອນຂ້າງແພງ ໂດຍຊາວກະສິກອນໃນທ້ອງຖິ່ນຈະຂາຍກັນທີ່ແມັດລະ 1000000-1500000 ກິບ. ເສັ້ນໃຍນັ້ນມີຄູນນະພາບສູງ ມີຄຸນສົມບັດທີ່ແຂງແຮງກວ່າຝ້າຍ ດູດຊັບຄວາມຊຸ່ມໄດ້ດີກວ່າ ໄນລອນ ແລະ ອົບອຸ່ນຍີ່ງກວ່າລີນີນ ຈື່ງມີຄວາມເໜາະສົມທີ່ຈະນຳມາໃຊ້ເປັນເຄື່ອງນຸ່ງຫົ່ມໄດ້ເປັນຢ່າງດີ ເມື່ອສວມໃສ່ໃນອາກາດຮ້ອນ ຈະໃຫ້ຄວາມເຢັນສະບາຍ ແລະ ໃຫ້ຄວາມອົບອຸ່ນໃນອາກາດໜາວ ສາມາດດູດຄວາມຮ້ອນ ດູດກີ່ນ ແລະ ສານພິດຈາກຮ່າງກາຍທີ່ຂັບຖ່າຍອອກມາໃນຮູບຂອງເຫື່ອໄດ້ ໃຊ້ໄດ້ທົນທານຍີ່ງຊັກຍິ່ງນຸ່ມ ເບົາບາງ ສວມໃສ່ສະບາຍ ບໍ່ລະຄາຍຜິວໜັງ ບໍ່ມີກີ່ນອັບຊື້ນ ແລະ ບໍ່ມີເຊື້ອລາແມ້ຢູ່ໃນທີ່ອັນຊື້ນຢ່າງທີ່ລາບສູງ ປະຈຸບັນຜ້າຈາກໃຍກັນຊົງເລີ່ມເປັນທີ່ຕ້ອງການຂອງຕະຫຼາດ ມີຄົນຖາມຊື້ຫຼາຍຂື້ນເລື້ອຍໆ ເຮັດໃຫ້ຊາວມົ້ງ ມີການປູກ ແລະ ຜະລິດຜ້າຈາກໄຍກັນຊົງຫຼາຍຂື້ນ ເພື່ອນຳມາໃຊ້ເອງ ແລະ ຈຳໜ່າຍເປັນລາຍໄດ້ເສີມ.