ໄມ້ສັກ / Teak Tree
APA 6th ed. ໄມ້ສັກ / Teak Tree. (2019, May 21). Retrieved from https://www.phakhaolao.la/kb/0000239
MLA 8th ed. ໄມ້ສັກ / Teak Tree. Pha Khao Lao, 21 May 2019, https://www.phakhaolao.la/kb/0000239.
Chicago 17th ed. Pha Khao Lao. 2019. "ໄມ້ສັກ / Teak Tree." Published May 21, 2019. https://www.phakhaolao.la/kb/0000239.
Tectona grandis f. abludens Koord. & Valeton
Tectona grandis f. canescens Moldenke
Tectona grandis f. pilosula Moldenke
Tectona grandis f. punctata Moldenke
Tectona grandis f. tomentella Moldenke
Tectona theca Lour.
Theka grandis (L.f.) Lam.
Thai: Mai Sak
Indian: sagwan; thekku
ເປັນໄມ້ຢືນຕົ້ນສູງ 40 ມ. ກີ່ງງ່າສີເທົາ ຫຼື ສີນ້ຳຕານ, ມີ 4 ຫຼ່ຽມ, ສີເຫຼືອງອ່ອນ ຫຼື ສີເທົາປົນສີນ້ຳຕານ, ມີຂົນອ່ອນນຸ້ມ. ກ້ານໃບໜາ, 2-4 ຊມ; ແຜ່ນໃບຮູບໄຂ່-ຮູບຮີ, ຂະໜາດ 15-45(-70) x 8-23(-37) ຊມ, ເນື້ອໃບບາງ, ດ້ານເທີງມີຝຸ່ນສີເທົາປົນສີນ້ຳຕານ ຫຼື ສີເຫຼືອງປົນສີນ້ຳຕານ, ຂົນໜາແໜ້ນ, ດ້ານລຸ່ມມີເຍື້ອຝຸ່ນ ແລະ ຂົນສັ້ນໆຕາມເສັ້ນໃບ, ໂຄນໃບຮູບຫຼີ້ມ, ຂອບໃບລຽບ, ປາຍໃບແຫຼມ ຫຼື ຮູບຕັດ, ເສັ້ນໃບ 7-12 ຄູ່. ຊໍ່ດອກແຕກແໜງ, ຍາວ 40 ຊມ. ດອກມີກີ່ນຫອມ, ກາບດອກເປັນຫຼອດ ຍາວ 3 ມມ, ມີຂົນສີຂາວ. ກີບດອກສີຂາວ, ເປັນຫຼອດຍາວ 3 ມມ, ດ້ານນອກມີຂົນຕ່ອມ, ແສກ 2 ມມ, ປາຍຮູບຕັດ. ເຕົ້າໄຂ່ຕ່ອມ. ກ້ານຊູ້ 3-4 ມມ. ໝາກ ກົມ, ເສັ້ນຜ່າສູນກາງ 1.9 ຊມ. ມີຂົນສັ້ນໆ.
ອາຫານ: ໃບນຳມາໃຊ້ຕົ້ມກັບໝາກມີ້ເພື່ອໃຫ້ໄດ້ສີສົດໃສ, ເມື່ອແກ້ງໝາກມີ້ຈະເປັນສີແດງ. ນອກຍັງສາມາດຕົ້ມກັບໄຂ່ໃຫ້ເປັນສີແດງອິກດ້ວຍ.
ຢາ: ຝຸ່ນຜົງໄດ້ຈາກເນື້ອໄມ້ສາມາດຊົງກັບນ້ຳຮ້ອນຄາຍຊາເພື່ອບຳລຸງລະບົບຍ່ອຍອາຫານ, ບັນເທົາອາການປວດເມື່ອຍ, ປວດແຂ້ວ, ຫຼຸດການອັບເສບ ຫຼື ຜືນຄັນຕາມຜິວໜັງ. ຖ່ານຈາກໄມ້ສັກເອົາມາແຊ່ນ້ຳເພື່ອລ້າງອາການຕາບວມ. ໄມ້ໃຊ້ເປັນຢາບຳລຸງກຳລັງ, ນ້ຳສະກັດຈາກຮາກໃຊ້ເປັນຢາຮັກສາຂີ້ກາກ, ຂີ້ກ່ຽນ. ດອກເປັນຢາຂັບປັດສະວະ. ນ້ຳມັນສະກັດຈາກມັດຊ່ວຍການຈະເລີນເຕີບໂຕຂອງເສັ້ນຜົມ. ໃບໃຊ້ໃນການຮັກສາໄຂ້ມາເລເຣຍ, ພະຍາດເລືອດຈາງ, ເຈັບຄໍ. ນ້ຳມັນສະກັດຈາກຍອດອ່ອນນຳມາໃຊ້ເປັນຢາຮັກສາພະຍາດຫອບຫືດຂອງເດັກນ້ອຍ.
ໃຊ້ປະໂຫຍດອື່ນໆ: ໄມ້ສັກມີເນື້ອໄມ້ສວຍງາມສາມາດເຮັດເປັນເຄື່ອງໃຊ້ຕາມຕ່າງທີ່ມີຄວາມນິຍົມສູງ, ໂດຍສະເພາະແມ່ນເຄື່ອງເຟີນິເຈີ, ເສົາເຮືອນ, ເຄື່ອງດົນຕິຕ່າງໆ. ປະຈຸບັນໃນລາວເຮົາກໍ່ມີການປູກເປັນຈຳນວນຫຼວງຫາຍໂດຍສະເພາະແຂວງຫຼວງພະບາງ.