ໝາກແໜ່ງແມ່ນພືດເຄື່ອງປ່າຂອງດົງຊະນິດໜຶ່ງ ທີ່ປະຊາຊົນຊາວແຂວງ ຜົ້ງສາລີໄດ້ຮູ້ຈັກກັນມາເປັນເວລາຫຼາຍກວ່າ 3 ທົດສະວັດ. ໄດ້ມີການປູກ ແລະຄຸ້ມຄອງນຳໃຊ້ຢ່າງກ້ວາງຂວາງໃນທົ່ວແຂວງ ຊຶ່ງແຕ່ລະປີໄດ້ເກັບໝາກແໜ່ງ ຂາຍ ເພື່ອຊ່ວຍແກ້ໄຂ ແລະ ປັບປູງຊີວິດການເປັນຢູ່ຂອງເຂົາເຈົ້າໃຫ້ດີຂື້ນເທື່ອລະກ້າວ. ຜ່ານມາຊາວຜົ້ງສາລີເຄີຍປູກ ແລະ ເກັບກູ້ໝາກແໜ່ງມີ 4 ເຊື້ອພັນ ຄື: ໝາກແໜງກວາງຕຸງ, ໝາກແໜ່ງປາກຊ່ອງ, ໝາກແໜ່ງປ່າຂຽວ ແລະແດງ, ແຕ່ນິຍົມກັນປູກຫຼາຍແມ່ນໝາກແໜ່ງກວາງຕຸງຂອງຈີນ.