ລີງຫາງຍາວ / Long-tailed Macaque

ຫົວ ແລະ ລໍາຕົວຍາວ: 48-55 ຊມ. ຫາງຍາວ: 44-54 ຊມ. ສາມາດຈຳແນກໄດ້ຈາກທີ່ມັນມີຫາງຍາວທີ່ມີຄວາມຍາວເທົ່າກັບພາກ ສ່ວນຫົວລໍາໂຕ, ຕົນໂຕຈະມີສີອອກເຖົ່າຫາສີແດງອອກນໍ້າຕານ ໂດຍຈະມີສີແຈ້ງກວ່າຢູ່ທາງພາກສ່ວນດ້ານທ້ອງຂອງລໍາໂຕ, ຂົນຢູ່ເທິງຈອມຫົວ ຈະປົ່ງໄປທາງເບື້ອງຫຼັງໂດຍກົງ, ມັກເປັນຫອນແຫຼມຂຶ້ນ, ໂຕຜູ້ຈະມີແກ້ມທີ່ມີໝວດ ແລະ ເຄົາເຊັ່ນດຽວກັນກັບລີງວອກ ແລະ ລີງອາຊາມ ທີ່ມີອາຍຸແກ່.
ອຸປະນິໄສ: ເປັນສັດທີ່ຫາກິນກາງເວັນ ແລະອາໄສຢູ່ຕາມຕົ້ນໄມ້ ສາມາດລອຍນໍ້າໄດ້. ຈະຢູ່ຮ່ວມກັນເປັນກຸ່ມ 10-45 ໂຕ, ຫຼື ອາດມີເຖິງ 80 ໂຕ.
ສຽງຮ້ອງ: ສຽງທີ່ມັກຮ້ອງຄືຈະອອກສຽງ ກາ ເຊິ່ງເປັນສຽງບາດດຽວ.
ອາໄສ: ປ່າເສື່ອມໂຊມປະເພດຕ່າງໆ ແລະ ປ່າແຄມນໍ້າລວມທັງ ປ່າໂຄກແຫ້ງແລ້ງ. ຈະພົບເຫັນສະເພາະໃນພາກໃຕ້ຂອງລາວ.