ຕົ້ນກວ໋າງ
APA 6th ed. ຕົ້ນກວ໋າງ. (2021, July 6). Retrieved from https://www.phakhaolao.la/index.php/kb/0001234
MLA 8th ed. ຕົ້ນກວ໋າງ. Pha Khao Lao, 6 July 2021, https://www.phakhaolao.la/index.php/kb/0001234.
Chicago 17th ed. Pha Khao Lao. 2021. "ຕົ້ນກວ໋າງ." Published July 6, 2021. https://www.phakhaolao.la/index.php/kb/0001234.
Anthocephalus indicus var. glabrescens H.L.Li
Anthocephalus morindifolius Korth.
Nauclea cadamba Roxb.
Nauclea megaphylla S.Moore
Neonauclea megaphylla (S.Moore) S.Moore
Samama cadamba (Roxb.) Kuntze
Sarcocephalus cadamba (Roxb.) Kurz
ອັງກິດ: Wild Cinchona, Cadamba, Common bur-flower, Kadam ແລະ Kadamb Tree.
ຈີນ: 团花.
ຈັດເປັນໄມ້ຢືນຕົ້ນຂະໜາດໃຫຍ່. ລຳຕົ້ົົນສູງປະມານ 45 ມ, ເປັນໄມ້ເນື້ອອ່ອນ, ກິ່ວອ່ອນຕັ້ງສາກກັບລຳຕົ້ນ, ເປືອກນອກລຽບ ຫຼື ແຕກເປັນຮ່ອງເລິກຕາມຄວາມຍາວຂອງລຳຕົ້ນ, ສີເທົາ. ໃບດ່ຽວ, ອອກກົງກັນຂ້າມສະຫຼັບຕັ້ງສາກ, ຮູບຮີ ຫຼື ຮູບໄຂ່, ກວ້າງ 6-8 ຊມ, ຍາວ 12-20 ຊມ, ໂຄນໃບຕັດ, ກົມ ຫຼື ຮູບຫົວໃຈ, ຂອບລຽບ, ປາຍແຫຼມ, ແຜ່ນໃບໜາໜຽວ, ຜິວໃບດ້ານເທິງສີຂຽວເຂັ້ມ, ລຽບມັນ, ຜິວໃບດ້ານລຸ່ມສີຂຽວອ່ອນ, ມີຂົນກະຈາຍຫ່າງໆ. ຫູໃບຮູບສາມຫຼ່ຽມ, ຍາວ 1-2.5 ຊມ, ຫຼົ່ນງ່າຍ. ກ້ານໃບຍາວ 2.5-3 ຊມ. ຊໍ່ດອກແບບກະຈຸກແໜ້ນ, ອອກບໍລິເວນປາຍກິ່ງ, ເສັ້ນຜ່າສູນກາງ 4-5 ຊມ, ສີເຫຼືອງສົ້ມ. ກ້ານຊໍ່ດອກຍາວ 1.5-4 ຊມ. ດອກຍ່ອຍອັດແໜ້ນໃນຖານດອກດຽວກັນ, ຮູບດອກເຂັມ, ສີສົ້ມ, ກ້ານດອກສັ້ນຫຼາຍ. ໃບປະດັບດອກມີ 1-3 ຄູ່. ຫຼອດກາບດອກຍາວປະມານ 2 ມມ, ປາຍແຍກເປັນ 5 ແສກ, ຮູບບ່ວງ, ຕິດທົນ. ກີບດອກເຊື່ອມຕິດກັນເປັນຫຼອດ, ຍາວ 5-9 ມມ, ປາຍແຍກອອກເປັນ 5 ແສກ, ຮູບຫອກ, ຍາວ 2-3 ມມ. ເກສອນເພດຜູ້ມີ 5 ອັນ, ຖົງລະອອງຮູບແຖບ, ຍາວປະມານ 2 ມມ. ເຕົ້າໄຂ່ຈັບລຸ່ມ, ມີ 2 ຫ້ອງ, ເມັດໄຂ່ຈຳນວນຫຼາຍ, ປາຍຮວງຮັບຍາວ 1.5-2 ຊມ. ໝາກກຸ່ມ, ກະຈຸກກົມ, ເສັ້ນຜ່າສູນກາງ 3-4 ຊມ.
ອາຫານ:
ດອກ ແລະ ໝາກ: ສາມາດຮັບປະທານໄດ້.
ສັບພະຄຸນ:
ເປືອກແຫ້ງ: ໃຊ້ບັນເທົາໄຂ້ ແລະ ເປັນຢາຊູກຳລັງ.
ສານສະກັດຈາກໃບ: ໃຊ້ເປັນຢາບ້ວນປາກ.
ທັງຕົ້ນ: ເປັນຢາຮັກສາແຜ, ຍ່ອຍອາຫານ, ຂັບເສມຫະ, ແກ້ໄຂ້ ແລະ ໃຊ້ຮັກສາອາການຕ່າງໆບໍ່ວ່າ ຮັກສາແຜໃນກະເພາະອາຫານ, ແກ້ໄຂບັນຫາທາງເດີນອາຫານ, ແກ້ໄຂ້ ແລະ ປວດຮາກ.
ສານສະກັດຈາກດອກ: ສາມາດຂ້າເຊື້ອ Meloidogyne ໄດ້.
ນ້ຳມັນຫອມລະເຫີຍ:
ດອກ: ເປັນແຫຼ່ງຂອງນ້ຳມັນຫອມລະເຫີຍ, ເປັນວັດຖຸດິບສຳຄັນໃນການຜະລິດ attar ເຊິ່ງເປັນນ້ຳຫອມ.
ຄຸນປະໂຫຍດ:
ເນື້ອໄມ້: ມີຄວາມລະອຽດ ແລະ ນ້ຳໜັກເບົານິຍົມນຳໃຊ້ເຂົ້າໃນອຸດສາຫະກຳເຫຍືືືື່ອກະດາດ, ໄມ້ອັດ, ໂຄງສ້າງເບົາ ແລະ ເຟີນິເຈີ.
ຕົ້ນໄມ້: ເປັນຊະນິດທີ່ຂະຫຍາຍຕົວໄດ້ໄວໃຊ້ປູກບຸກເບີກທຳມະຊາດເໝາະສຳລັບການປູກປ່າ, ປູກປ້ອງກັນລົມ ແລະ ປູກໃຫ້ຮົ່ມເງົາ.
ຮາກ ແລະ ເປືອກ: ໃຊ້ເປັນສີຍ້ອມຜ້າ ໂດຍຈະໃຫ້ສີເຫຼືອງ.