ໂອງມັ່ງ / Eld's Deer
APA 6th ed. ໂອງມັ່ງ / Eld's Deer. (2022, December 9). Retrieved from https://www.phakhaolao.la/index.php/kb/0001546
MLA 8th ed. ໂອງມັ່ງ / Eld's Deer. Pha Khao Lao, 9 December 2022, https://www.phakhaolao.la/index.php/kb/0001546.
Chicago 17th ed. Pha Khao Lao. 2022. "ໂອງມັ່ງ / Eld's Deer." Published December 9, 2022. https://www.phakhaolao.la/index.php/kb/0001546.
Rucervus eldii (Thomas, 1918)
Panolia eldi McClelland, 1842
English: Brow-antlered deer, Eld's deer ແລະ Thamin
French: Cerf d'Eld
Thai: ລະອົ້ງລະມັ້ງ
ຫົວ ແລະ ລຳໂຕ ຍາວ: 150-180 ຊມ. ຫາງ ຍາວ: 22-25 ຊມ. ເປັນກວາງທີ່ມີຂະໜາດກາງ ສ່ວນເທິງຂອງລໍາໂຕມີສີນ້ຳຕານແດງ ແລະ ສ່ວນລຸ່ມຂອງລໍາໂຕມີສີຂາວ. ໃນໂຕຜູ້ອາດມີຂົນເປັນແຜງຢູ່ຄໍ, ມີລາຍອ້ອມຄໍ ແລະ ຫົວ. ຮູບຮ່າງຂອງກິ່ງເຂົາ (ເປັນຮູບຊົງສວຍງາມ) ມີລັກສະນະຄືຂົນຄິ້ວແຫລມໂຄ້ງທີ່ລໍາຂອງເຂົາ, ດັ່ງນັ້ນຮູບຮ່າງທາງນອກຂອງກິ່ງເຂົາປະກົດເປັນຮູບຮ່າງຄືກັບຫົວເຮືອ ໂຕນ້ອຍມີລາຍເປັນຈຸດແໜ້ນໜາ, ລະດູການຂະຫຍາຍພັນເດືອນ ກຸມພາເຖິງເດືອນເມສາ.
ອຸປະນິໄສ: ສ່ວນຫຼາຍມັກຢູ່ເປັນຝູງໃຫຍ່, ໂດຍທົ່ວໄປມັກອາໄສຢູ່ຕາມປ່າໂຄກ, ປ່າໂປ່ງ ຫຼື ທົ່ງຫຍ້າໃກ້ແຫຼ່ງນ້ຳ, ກິນຫຍ້າສູງແຄມບຶງ ແລະ ແຄມຫນອງ, ແລ່ນໄດ້ໄວ. ມັກຢູ່ເຂດປ່າໂຄກບໍ່ຕຶບຫນາ, ຕອນກາງເວັນໃນເວລາອາກາດຮ້ອນ ພວກມັນຈະມັກລົບຢູ່ຮົ່ມໃຕ້ຕົ້ນໄມ້ແຄມປ່າ, ໂຕຜູ້ທີ່ມີຂະໜາດໃຫຍ່ຈະຮ້ອນກວ່າໝູ່.
ຖິ່ນອາໄສ: ຈຳກັດໃນເຂດພື້ນທີ່ເຂດພາກກາງຂອງ ສປປ ລາວ ແຕ່ກ່ອນບໍ່ຄ່ອຍແຜ່ຫລາຍ, ແຕ່ຍັງມີປະຊາກອນທີ່ເຫລືອຢູ່ສອງບ່ອນ ຄື: ແຂວງສະຫວັນນະເຂດ ແລະ ເຂດຕາເວັນຕົກສຽງໃຕ້ຂອງ ແຂວງຈໍາປາສັກ.
ອາຫານ: ນິໄສການກິນອາຫານຂອງພວກໂອງມັ່ງຄ້າຍກັບງົວ-ຄວາຍ, ປົກກະຕິມັກກິນຫຍ້າ ແລະ ໝາກໄມ້ຕ່າງໆ, ຕາມປ່າໂປ່ງ ຫຼື ທົ່ງຫຍ້າ, ບໍ່ຄ່ອຍມັກກິນໃບໄມ້ປານໃດ
ສະພາບການອະນຸລັກ: IUCN:ໃກ້ຈະສູນພັນໃນລະດັບໂລກ
ລະດູປະສົມພັນຂອງໂອງມັ່ງຕາມທຳມະຊາດພົບຢູ່ໃນຊ່ວງເດືອນກຸມພາ ຫາເດືອນເມສາ, ສ່ວນລະມັງທີ່ລ້ຽງຢູ່ຕາມສ່ວນສັດຕ່າງໆມັກບໍ່ມີລະດູປະສົມພັນແນ່ນອນ ແຕ່ສ່ວນຫຼາຍຈະຢູ່ໃນຊ່ວງເດືອນພຶດສະພາ ຫາເດືອນ ມິຖຸນາ, ໄລຍະຖືພາ 240-244 ວັນ, ອອກລູກຄັ້ງລະ 1 ໂຕ, ລູກເກີດໃໝ່ຈະມີລາຍຈຸດສີຂາວຕາມຕົນໂຕ ເມື່ອໃຫຍ່ຂຶ້ນຈະຄ່ອຍຈ່າງຫາຍໄປ ແຕ່ໂຕແມ່ບາງໂຕຍັງມີຈຸດສີຂາວຈ່າງໆໃຫ້ເຫັນຈົນໃຫຍ່, ໄວຈະເລີນພັນຂອງໂຕຜູ້ປະມານ 1 ປີຂຶ້ນໄປ ແລະ ໂຕແມ່ປະມານ 2 ປີຂຶ້ນໄປ.