ຕົ້ນແຄນ / Ironwood
APA 6th ed. ຕົ້ນແຄນ / Ironwood. (2019, November 1). Retrieved from https://www.phakhaolao.la/index.php/kb/0000719
MLA 8th ed. ຕົ້ນແຄນ / Ironwood. Pha Khao Lao, 1 November 2019, https://www.phakhaolao.la/index.php/kb/0000719.
Chicago 17th ed. Pha Khao Lao. 2019. "ຕົ້ນແຄນ / Ironwood." Published November 1, 2019. https://www.phakhaolao.la/index.php/kb/0000719.
Hopea decandra Buch.-Ham. ex Wight
Hopea wightiana Miq. ex Dyer
Neisandra indica Rafin.
Thai: ຕົ້ນຕະຄຽນທອງ
Eng: Ironwood, Malabar ironwood, Takian, Thingan, Takian
ຕົ້ນແຄນຈັດເປັນໄມ້ຢືນຕົ້ນຂະໜາດໃຫຍ່, ລໍາຕົ້ນຕັ້ງຊື່, ມີຄວາມສູງ 20-40 ມ, ວັດຮອບລໍາຕົ້ນໄດ້ 300 ຊມ, ເປືອກຕົ້ນເປັນສີນໍ້າຕານດໍາ, ແຕກເປັນສະເກັດ, ສ່ວນແກນເປັນສີນໍ້າຕານແດງ, ເນື້ອໄມ້ເປັນສີເຫຼືອງໝົ່ນ ຫຼື ສີນໍ້າຕານອົມເຫຼືອງ, ມັກສີເສັ້ນສີຂາວ ຫຼື ເທົາຂາວຜ່ານສະເໝີ. ໃບເປັນໃບດ່ຽວມີລັກສະນະເປັນຮູບໄຂ່ແກມຮູບໃບຫອກ ຫຼື ຮູບດາວ, ປາຍໃບແຫຼມ, ໃບມີຂະໜາດກວ້າງ 3-6 ຊມ ແລະ ຍາວ 10-15 ຊມ, ແຜ່ນໃບບາງແຕ່ຂ້ອນຂ້າງໜຽວ, ຫຼັງໃບກ້ຽງເປັນມັນ, ທ້ອງໃບມີຕຸ່ມຫູດ. ອອກດອກເປັນຊໍ່ຍາວແບບຊໍ່ແຍກຂະແໜງຕາມປາຍກິ່ງ ຫຼື ຕາມງ່າມໃບ, ມີດອກຍ່ອຍຢູ່ຊໍ່ລະ 40-50 ດອກ, ດອກເປັນສີເຫຼືອງແກມສີນໍ້າຕານຂະໜາດນ້ອຍ, ມີກິ່ນຫອມ ແລະ ມີຂົນນຸ່ມ, ດອກມີກີບດອກ 5 ກີບ, ເມື່ອດອກບານເຕັມທີ່ກີບດອກຈະບິດເປັນກົງຈັກ, ປາຍກີບດອກຫຍັກ ສ່ວນກອງກີບບິດ ແລະ ເຊື່ອມຕິດກັນ. ໝາກເປັນໝາກແຫ້ງບໍ່ແຕກ, ໝາກເປັນສີຂຽວອ່ອນ, ເມື່ອໝາກສຸກຈະເປັນສີນໍ້າຕານເຂັ້ມ, ໝາກມີລັກສະນະກົມ ຫຼື ເປັນຮູບໄຂ່ກ້ຽງ, ປາຍໝາກມົນເປັນຕິ່ງຄ້າຍຄືໜາມແຫຼມ, ມີປີກຍາວ 1 ຄູ່, ລັກສະນະເປັນຮູບໃບພາຍ, ໃນໜຶ່ງໝາກຈະມີແກ່ນ 1 ແກ່ນ.
ປະໂຫຍດ:
- ໄມ້ແຄນຈັດເປັນໄມ້ທີມີຄຸນຄ່າທາງເສດຖະກິດ.
- ເນື້ອໄມ້ນິຍົມໃຊ້ໃນການກໍ່ສ້າງອາຄານບ້ານ, ເຄື່ອງເຟີນິເຈີ ແລະ ອື່ນໆ.
- ຢາງຈາກໄມ້ໃຊ້ເຮັດນໍ້າມັນຊັກເງົາຕົບແຕ່ງໃຊ້ໃນຮົ່ມ, ໃຊ້ປະສົມກັບນໍ້າມັນເປັນຂີ້ຊີຢາເຮືອ.
ສັບພະຄຸນ:
- ເປືອກຕົ້ນຊ່ວຍແກ້ອາການລົງແດງ.
- ຢາງຊ່ວຍແກ້ອາການຖອກທ້ອງ.
- ເປືອກຕົ້ນໃຊ້ເປັນຢາຂ້າເຊື່ອພະຍາດ.