ປານາງ / Silver Sheatfish
APA 6th ed. ປານາງ / Silver Sheatfish. (2019, September 22). Retrieved from https://www.phakhaolao.la/index.php/kb/0000544
MLA 8th ed. ປານາງ / Silver Sheatfish. Pha Khao Lao, 22 September 2019, https://www.phakhaolao.la/index.php/kb/0000544.
Chicago 17th ed. Pha Khao Lao. 2019. "ປານາງ / Silver Sheatfish." Published September 22, 2019. https://www.phakhaolao.la/index.php/kb/0000544.
Thai: Pla nam ngern and Pla nang dang
Viet: Ca ket
ຮູບຮ່າງລັກສະນະລຳຕົວຮຽວຍາວ, ເປັນປາໜັງ ແລະ ມີລັກສະນະແປທາງດ້ານຂ້າງ, ສ່ວນຫົວກວ້າງ ແລະ ມີລັກສະນະແປຮາບ, ປາກກວ້າງ, ຮີມປາກດ້ານລຸ່ມຢືນອອກມາຍາວກວ່າດ້ານເທີງເລັກນ້ອຍ, ບໍ່ມີຄີຫຼັງ, ຖານຄີກົ້ນຍາວ, ຄີຫາງມີລັກສະນະວ້ຳຕື່ນ, ລຳຕົວສີຟ້າຂາວ ຫຼື ສີບົວຟ້າ, ດ້ານເທີງລຳຕົວສີຈະເຂັ້ມກວ່າດ້ານລຸ່ມ, ຄີກົ້ນ ແລະ ຄີຫາງມີສີຈາງ ແລະ ມີຂອງສີເຂັ້ມ. ລຳຕົວກວ້າງ ແຕ່ 2-20 ຊັງຕິແມັດ, ນ້ຳໜັກປະມານ 1 ກິໂລ.
ປານາງຈະປະສົມພັນຢູ່ໃນເຂດນ້ຳຖ້ວມໃນຊ່ວງລະດູຝົນ ແລະ ເປັນບ່ອນຫາກີນ ຫຼື ຈະເລີນເຕີບໂຕຂອງຕົວອ່ອນ. ຕົວເຕັມໄວຈະເກັບສູ່ແມ່ນ້ຳສາຍຫຼັກ ແລະ ລະດູແລ້ງຈະພົບຢູ່ໃນເຂດວັງນ້ຳເລິກ. ມັນຈະເລີ່ມເຄື່ອນຍ້າຍຈາກແມ່ນ້ຳສາຍຫຼັກສູ່ສາຂາ ແລະ ເຂົ້າສູ່ທົ່ງນ້ຳຖ້ວຍໃນຕົ້ນລະດູຝົນ ແລະ ກັບຄືນໃນເສັ້ນທາງເດີມໃນຕົ້ນລະດູແລ້ງ. ຝົນຕົກຊ່ວງທຳອິດຈະກະຕຸ້ນໃຫ້ພວກມັນເລີ່ມເຄື່ອນຍ້າຍ ແລະ ຈະກັບຄືນເມື່ອລະດັບນ້ຳລົດລົງ. ດວງຈັນກໍ່ເປັນສ່ວນໜື່ງທີ່ຈະບອກເວລາເຄື່ອນຍ້າຍໄດ້ເຊັ່ນດຽວກັນເຊັ່ນ: ມັນຈະລອງລົງ ແລະ ເຄື່ອນຍ້າຍອອກຈາກເຂດນ້ຳຖ້ວມກ່ອນເວລາກ່ອນໜ້າ ຫຼື ໃກ້ໆກັບມື້ເດືອນເພັງໃນຊ່ວງຕົ້ນລະດູແລ້ງ. ເມື່ອຊ່ວງລະດູແລ້ງມັນອາໄສຢູ່ຕາມວັງນ້ຳເລິກໃນເຂດອ່າງແມ່ນ້ຳຂອງ.