ໝູແດດດຽວ
ຊີ້ນໝູແດດດຽວໃຜໆກໍ່ເຮັດໄດ້ ເຮັດໄວ້ຮັບປະທານພາຍໃນຄອບຄົວ ຫຼື ເປັນສີນຄ້າເພື່ອສ້າງລາຍໄດ້ເສີມ
ເຮືອນຄົວລາວ
www.phakhaolao.la
- ສ່ວນປະກອບ:
- ຊີ້ນໝູ 0,5 ກິໂລ
- ກະທຽມ 5 ກີບ
- ຄະນໍຜົງ (ລົດໝູ) 2 ບ່ວງກາເຟ
- ເກືອ 1 ບ່ວງກາເຟ
- ນໍ້າມັນພືດ 1 ຕຸກນ້ອຍ
ການກະກຽມ: ເອົາຊີ້ນໝູລ້າງນໍ້າໃຫ້ສະອາດຊອຍຍາວປະມານ 15-20 ຊັງຕີແມັດ
ການປຸງແຕ່ງ:
- ເອົາເກືອ, ຄະນໍຜົງ, ກະທຽມຕໍາໃຫ້ເຂົ້າກັນປະສົມກັບຊີ້ນໝູແລ້ວຄົນໃຫ້ເຂົ້າກັນປະໄວ້ ປະມານ 2 ນາທີ
- ແລ້ວນໍາເອົາຊີ້ນໄປຕາກແດດ 1 (ແດດກ້າ ໃນລະຫວ່າງມື້)
- ຫຼັງຈາກນັ້ນເອົານໍ້າມັນໃສ່ໝໍ້ຄ້າງໄຟໃຫ້ຮ້ອນຈຶ່ງເອົາຊີ້ນລົງຈືນ,ບໍ່ຄວນຈືນດົນຫຼາຍເພາະຈະເຮັດໃຫ້ຊີ້ນມັນແຂງ ຕັກຂຶ້ນໃຫ້ສະເດັດນໍ້າມັນໃສ່ຈານພ້ອມເສີບຮັບປະທານອາຫານ.
ແນະນຳ:
- ຊີ້ນແດດດຽວຄວນຕາກແດດກ້າ ແລະ ບໍ່ຄວນຈືນດົນເພາະຈະເຮັດໃຫ້ຊີ້ນແຂງ
- ຫຼັງຈາກຕາກແດດແລ້ວສາມາດນຳມາໜຶ້ງ ຫຼື ຢ້າງໄຟ ກ່ອນນຳມາທອດໄດ້