ອົ່ວໜໍ່ຫົກ

ສ່ວນປະກອບ

• ໜໍ່ໄມ້ 10 ໜໍ່
• ຊີ້ນໝູບົດ ປະມານໜຶ່ງກຳມືໃຫ່ຍ
• ເກືອ 1 ບ່ວງຊາ
• ກະທຽມປອກ 2-3 ປ່ຽງ (1 ຫົວ)
• ຫົວຜັກບົ່ວແດງ 5 ຫົວ
• ໝາກເຜັດດິບ 8 ໜ່ວຍ
• ຫົວສີໄຄ 2 ກ້ານ ຊອຍ
• ຜັກອີ່ຕູ່ 2-3 ຕົ້ນ (ໃຊ້ໃບປຸງແຕ່ງເທົ່ານັ້ນ)
• ຫອມບົ່ວ 1 ມັດ
• ໃບຂີງຊອຍ 4 ໃບ
• ເກືອ 1 ບ່ວງຊາ
• ນ້ຳຕານ ເຄິ່ງບ່ວງ ຫຼື 1 ບ່ວງຊາ
• ນໍ້າປາ 1-2 ບ່ວງແກງ
• ນ້ຳມັນ ໃຊ້ສຳລັບທອດ
• ສໍາລັບ 6-10 ຄົນ

ວິທີປຸງແຕ່ງ

  1. ລ້າງເຄື່ອງເທດທັງໝົດໄວ້
  2. ໃຊ້ໄມ້ ຊີກເຄິ່ງກາງໜໍ່ອອກເປັນເສັ້ນໆ ເພື່ອຈະໄດ້ນຳຊີ້ນຍັດເຂົ້າໃນ
  3. ນໍາເກືອ 1 ບ່ວງຊາ, ກະທຽມ, ຫົວຜັກບົ່ວ ແລະ ໝາກເຜັດ ໃສ່ຄົກ ພ້ອມກັບຫົວສີໄຄ ແລ້ວຕຳທຸກຢ່າງໃຫ້ເຂົ້າກັນ.
  4. ຊອຍໃບຜັກອີ່ຕູ່, ໃບຂີງ ແລະ ຫອມບົ່ວ ແລ້ວໃສ່ລົງຄົກຕຳປະມານ 2-3 ນາທີ
  5. ນຳເກືອ, ນໍ້າຕານ ແລະ ນໍ້າປາ 1 ບ່ວງຊາໃສ່ຊີ້ນໝູ ແລ້ວໃຊ້ບ່ວງຄົນເພື່ອໃຫ້ແນ່ໃຈວ່າສ່ວນປະສົມທຸກຢ່າງເຂົ້າກັນ ແລ້ວຕໍາອີກເທື່ອໜຶ່ງ
  6. ນໍາໝູບົດທີ່ ປະສົມກັບເຄື່ອງເທດຮຽບຮ້ອຍແລ້ວ ຍັດໃສ່ດ້ານໃນໜໍ່ໃຫ້ເຕັມທຸກໜໍ່
  7. ນຳໜໍ່ລົງໃນໝໍ້ກະທະ ເພື່ອທອດ ຈົນກວ່າຈະເປັນສີເຫຼືອງ ຫຼື ປະມານ 10 ນາທີ

ຄຳແນະນຳ: ຮັບປະທານກັບເຂົ້າໜຽວ ແລະ ແຈ່ວນຳປູ, ແລະ ຜັກໜຶິ້ງ. ສວນປະສົມ ຫຼື ຜັກແຕ່ງໃຫ້ງາມ ອາດຈະມີໝາກຖົ່ວຍາວ ຫຼື ຜັກອື່ນໆກໍ່ໄດ້ຕາມໃຈມັກ.
ຂໍ້ມູນສ່ວນໃຫ່ຍມາຈາກ ອາຫານຈາກພາກເໜືອລາວ (ປຶ້ມເຮືອນພັກທ່າເຮືອ)