ເຫັດທຳມະຊາດແມ່ນ ຜະລິດຕະພັນເຄື່ອງປ່າຂອງດົງຈາກທຳມະຊາດ ທີ່ປະຊາຊົນໃນທ້ອງຖິ່ນຫາກິນໄດ້ງ່າຍຕາມລະດູການ, ພ້ອມທັງສ້າງລາຍຮັບໃຫ້ແກ່ປະຊາຊົນຢ່າງຫຼວງຫຼາຍ ໃນແຕ່ລະປີໃນຊ່ວງລະດູເຫັດອອກ, ຍັງເປັນອາຫານທີ່ມີຄຸນຄ່າທາງໂພຊະນາການສູງ ແລະ ມີຄວາມສຳຄັນຕໍ່ຮ່າງກາຍ. ຖ້າຮັກສາປ່າເຫັດໄວ້ໃຫ້ອຸດົມສົມບູນ ຜົນຜະລິດເຫັດຕາມທຳມະຊາດກໍ່ຈະໄດ້ຫຼາຍ, ເຊິ່ງສາມາດພົບເຫັນຕາມຕະຫຼາດທ້ອງຖິ່ນໃນຊ່ວງລະດູຝົນຈຳນວນຫຼາຍ ແລະ ຫຼາກຫຼາຍຊະນິດ.