ໜູທ້ອງຂາວ / Ricefield Rat

       ເປັນໜູຂະໜາດກາງ, ມີສີນ້ຳຕານອົມເຫຼືອງ ແລະ ຂົນສີດຳ, ທ້ອງມີສີເທົາຢູ່ບໍລິເວນກາງສີຂາວ, ຫາງມີສີນ້ຳຕານປານກາງສະໝ່ຳສະເໝີ, ມີແຂ້ວດ້ານໜ້າທີ່ແຫຼມຄົມ, ໜູຍາວມີຂະໜາດຍາວລະຫວ່າງ 304-400 ມມ, ຫາງຍາວ 140-200 ມມ, ມີກະໂຫຼກຫົວຍາວ 37-41 ມມ ແລະ ມີນ້ຳໜັກສະເລ່ຍ 97-219 ມມ.
      ພຶດຕິກຳ: ມັກອາໄສຢູ່ຮ່ວມກັນເປັນຝູງໃຫຍ່ ເມື່ອຖືກໂຈມຕີ ຫຼື ຖືກລົບກວນພວກມັນຈະສົ່ງສຽງດັງ. ມັກຊອກຫາກິນໃນຍາມກາງຄືນ, ເຄື່ອນໄຫວຢ່າງວອງໄວໃນຕອນຄ່ຳ ແລະ ກັບມາຕອນເຊົ້າມືດ, ໃນຊ່ວງກາງວັນຈະພົບເຫັນຕາມຟຸ່ມໄມ້, ສວນກະສິກຳ ແລະ ທົ່ງນາ.
      ອາຫານ: ອາຫານຫຼັກຂອງພວກມັນແມ່ນປວກ, ແມງໄມ້, ຕັກແຕນ, ຫອຍທາກ, ເມັດພືດ, ຖົ່ວ, ເຂົ້າ, ຜັກ ແລະໝາກໄມ້
      ຖິ່ນທີ່ຢູ່ອາໄສ: ພົບຕາມທົ່ງຫຍ້າ, ທົ່ງນາ ຫຼື ປ່າແຄມທົ່ງນາ.